05.08.2026 | 11:30
Ավարտվել է բուհական ընդունելությունը․ հայտնի է առաջին կուրսեցիների թիվը
Սուրեն Պապիկյանը չեղարկել է Կիպրոս այցը ՀՀ-ում իրավիճակի սրման ֆոնին․ Կիպրոսի ՊՆ ղեկավար
Քաղաքականություն
07.09.2023 | 18:27
Կիպրոսի պաշտպանության նախարար Միխալիս Գիորգալասը X-ում գրառմամբ տեղեկացրել է, որ հեռախոսազրույց է ունեցել իր հայ գործընկեր Սուրեն Պապիկյանի հետ՝ Կիպրոս վերջինի այցի չեղարկումից հետո։ Ըստ Գիորգալասի՝ այցը չեղարկվել է ՀՀ-ում իրավիճակի սրման ֆոնին։
«Այսօր ես հեռախոսազրույց ունեցա իմ հայ գործընկերոջ հետ՝ Հայաստանում իրավիճակի սրման պատճառով Կիպրոս ծրագրված նրա այցի չեղարկումից հետո։ Մենք վերահաստատեցինք մեր երկրների միջև հիանալի հարաբերությունները, ինչպես նաև Հունաստանի հետ եռակողմ ձևաչափով մեր հրաշալի համագործակցությունը պաշտպանության և անվտանգության ոլորտներում։ Ես իմ անբաժան աջակցությունն եմ հայտնել Հայաստանի ժողովրդին։ Մեր երկուստեք ցանկությունն է՝ հանդիպել մոտ ապագայում, և երբ հանգամանքները թույլ տան»,- գրել է նա։
ՀՀ Պաշտպանության նախարարության մամուլի խոսնակ Արամ Թորոսյանը Factor.am-ի հետ զրույցում հաստատեց, որ Սուրեն Պապիկյանի՝ Կիպրոսի Հանրապետություն նախատեսված այցը հետաձգվել է: Գերատեսչության խոսնակն այլ մանրամասներ չհայտնեց:
