16.05.2026 | 21:37
Փաշինյանը ներկայացրել է վարորդական իրավունքից զրկված անձանց խնդրի լուծման իր տարբերակը
Իհարկե, Հայաստանում կոռուպցիա կա. Սասուն Խաչատրյան․ ՏԵՍԱՆՅՈՒԹ
Հասարակություն
02.06.2023 | 16:40
Այն արատավոր երևույթները, երբ գերատեսչություններն ամեն կերպ փորձում էին ներքևի օղակներում եղած կոռուպցիան թաքցնել, այսօր չկա։ Բայց Հայաստանում կոռուպցիա կա, ուղղակի կառուցվածքն է փոխվել։
Այս մասին Ազգային ժողովում 2022թ․ բյուջեի կատարողականի նախնական քննարկման ժամանակ հայտարարեց ՀՀ հակակոռուպցիոն կոմիտեի նախագահ Սասուն Խաչատրյանը։
«Ես կարող եմ գոհունակությամբ նշել, որ գերատեսչություններն արդեն մեզ հետ համագործակցում են։ Այսինքն` կոռուպցիայի բուրգի հիերարխիկ կառուցվածք այսօր չկա, և դա շատ լավ է»,- նշեց Խաչատրյանը։
Նա չժխտեց, որ Հայաստանում կոռուպցիա կա․ «Այսօր ունենք ոստիկանության ծառայողների կողմից պաշտոնեական լիազորությունների չարաշահման և կաշառք վերցնելու բազմաթիվ դեպքեր։ Այո՛, եղել են դեպքեր, երբ այդ քննության նախաքննության նախաձեռնողը եղել է հենց ոստիկանության ներքին անվտանգության վարչությունը։ Նույնը վերաբերում է նաև ՀՀ պաշտպանության նախարարությանը»,- նշեց Խաչատրյանը։
ՀՀ հակակոռուպցիոն կոմիտեի նախագահ վստահեցրեց, որ Կենտրոնական զինվորական հոսպիտալի, զինկոմիսարիատի մասնագետի վերաբերյալ եղած հրապարակումների դեպքում էլ իր ղեկավարած կառույցը ևս ակտիվ համագործակցել է ՊՆ-ի հետ։
Հիշեցնենք` մայիսի 31-ին, ՀՀ հակակոռուպցիոն կոմիտեի նախագահը հայտարարել էր, որ Հայաստանում արձանագրվում է կոռուպցիոն բնույթի հանցագործությունների աճ, սակայն դա դրական ցուցանիշ է, քանի որ բացահայտումներն են շատացել։
Մանրամասները՝ տեսանութում։
