06.08.2026 | 18:13
Սոցցանցերում բոտերը Վրաստանում ռուսների նկատմամբ թշնամանքի մասին գրառումներ են տարածել․ Թբիլիսին հետաքննություն է սկսել
Բացասական բարեվարքությամբ անձինք դատավոր են նշանակվում և պաշտոնի բարձրացում ունենում.Արաքս Մելքոնյան. ՏԵՍԱՆՅՈՒԹ
Հասարակություն
31.05.2023 | 15:43
Ցանկացած հակակոռուպցիոն ջանք չի կարող արդյունավետ լինել, եթե այդ գործընթացի և ստեղծվող ինստիտուտների նկատմամաբ չկա հանրային վստահություն։ Freedom House միջազգային իրավապաշտպան կազմակերպության և «Իրազեկ քաղաքացիների միավորման» ջանքերով կազմակերպված Ժողովրդավարության հայկական ֆորումի շրջանակներում ընթացող պանելային քննարկման ժամանակ այս տեսակետը հայտնեց «Իրավունքների պաշտպանություն առանց սահմանների» ՀԿ նախագահ Արաքս Մելքոնյանը։
Նրա դիտարկմամբ՝ այդ պրոցեսի թափանցիկությունն ու հաշվետվողականության ապահովումն էական է ժողովրդավարական հասարակությունում կոռուպցիայի դեմ պայքարի, մարդու իրավունքների պաշտպանության համար։
Մելքոնյանի խոսքով՝ «Իրավունքների պաշտպանություն առանց սահմանների» ՀԿ-ն դիտորդություն է իրականացնում դատավորների որակավորման ստուգումների, այդ թվում՝ Հակակոռուպցիոն դատարանի դատավորների ընտրության գործընթացում։
«Իրավունքների պաշտպանություն առանց սահմանների» ՀԿ նախագահի խոսքով՝ բացասական բարեվարքությամբ անձինք կան, որոնք դատավոր են նշանակվում և պաշտոնի բարձրացում ունենում.։
Նա նաև հայտնեց, որ Հակակոռուպցիոն կոմիտեում բացասական բարեվարքությամբ անձ այս տարի չի եղել, ինչը դրական զարգացում է։
Մանրամասները՝ տեսանյութում։
