08.10.2026 | 13:16
Թրամփը հայտարարել է, որ Իրանի հետ պատերազմը կավարտվի «շատ շուտով»
Քննարկվել են բազմաբնակարան շենքերի արդյունավետ կառավարմանն ուղղված օրենսդրական բարեփոխումները
Հասարակություն
17.05.2023 | 10:55
Քաղաքաշինության կոմիտեում տեղի է ունեցել բազմաբնակարան շենքերի կառավարման բնագավառում առկա խնդիրների կանոնակարգման նպատակով ստեղծված միջգերատեսչական աշխատանքային խմբի հերթական նիստը․ տեղեկացնում են Քաղաքաշինության կոմիտեից։
Հանձնաժողովի կազմում ընդգրկված են Քաղաքաշինության և Կադաստրի կոմիտեների, Արդարադատության ու Տարածքային կառավարման և ենթակառուցվածքների նախարարությունների, Երևանի քաղաքապետարանի պատասխանատուները: Նիստին մասնակցել են նաև Կառուցապատողների հայկական ասոցիացիայի, բազմաբնակարան շենքերի կառավարման և քաղաքաշինության ոլորտների ներկայացուցիչներ:
Քննարկվել են ոլորտը կանոնակարգող օրենսդրության բարելավման տարբերակներ, որոնք կնպաստեն բազմաբնակարան շենքերի արդյունավետ կառավարմանն ու պահպանմանը: Մասնավորապես՝ դիտարկվել են կառավարման մարմինների ընտրությունների իրական ինստիտուտի զարգացման հնարավորությունները:
Ներկաները քննարկել են նաև Երևանի «Նորավան» համատիրության կառավարչի առաջարկը՝ օրենսդրությամբ ամրագրելու պահանջ՝ բազմաբնակարան շենքի շինության (բնակարանի կամ ոչ բնակելի տարածքի) օտարման ժամանակ այդ գույքի գծով պարտադիր նորմերի և այլ աշխատանքների իրականացման համար սահմանված վճարի վերաբերյալ զրոյական տեղեկանք ներկայացնելու համար:
Քաղաքաշինության կոմիտեի գլխավորությամբ գործող աշխատանքային խմբին իրենց ընկերության փորձն է ներկայացրել Կանադայում բազմաբնակարան շենքերի կառավարում իրականացնող հայկական «ArTi management» ընկերության համահիմնադիրը, ով մանրամասն տեղեկատվություն է հայտնել շենքերի կառավարումը հեռավար կազմակերպելու, ընդհանուր բաժնային սեփականություն հանդիսացող տարածքների տնօրինմանն առնչվող խնդիրները կարգավորելու վերաբերյալ:
