08.10.2026 | 16:36
Հարավային Կորեան հետ է կանչում Ուկրաինայում իր դեսպանին
Այդ պաստառների վրա իրականությունն է գրված․ Տիգրան Պետրոսյանը՝ Արցախում հանրահավաքի ժամանակ ռուսական կողմին ուղղված պաստառների հավաքման մասին․ ԼՈՒՍԱՆԿԱՐՆԵՐ
09.05.2023 | 19:28
«Այսօրվա հավաքում երեք պաստառ են հավաքել, չեմ ասում հակառուսական ինչ-որ քարոզ անենք, բայց իրականում այդ պաստառների վրա իրականություն է գրած»,- ֆեյսբուքյան ուղիղ եթերում այս մասին ասաց Արցախի նախագահին կից հակաճգնաժամային խորհրդի նախագահ Տիգրան Պետրոսյանը։
«Իրոք, մենք ռուսներին հավատացել ենք, մենք Պուտինին հավատացել ենք և, ներկա դրությամբ, չենք կարողանում ազդել Ադրբեջանի վրա: Մենք պետք է ազդենք ռուսների վրա, պահանջենք ռուսներից, որպեսզի առաքելությունը կատարեն, պահանջենք՝ օդային հաղորդակցություն ապահովեն Հայաստանի հետ, պահանջենք՝ քայլեր ձեռնարկեն, որ միջանցքը, ինչպես նոյեմբերի 9-ի փաստաթղթում արձանագրված է, նորմալ գործի։ Փաստորեն, բերել մեզ թակարդի մեջ են գցել։ Ժողովուրդն իրեն խաբված է զգում։ Որոշ մարդիկ ասում են՝ փորձում եք ռուս խաղաղապահների գործունեության վրա ստվեր գցել։ Մենք չենք ստվեր գցողը, իրենք իրենց արարքներով են ստվեր գցում, և բոլորն էլ արդեն գիտեն, որ 99 տոկոս վստահությունից ռուս խաղաղապահների հանդեպ հիմա 22 տոկոս էլ չկա»,- ասել է Տիգրան Պետրոսյանը։
