Հասարակություն
26.04.2023 | 15:02«Բռնության հերթական դեպքերը ոստիկանների կողմից» թեմայով քննարկման ժամանակ անդրադարձ կատարվեց երևանան «Պոլիգրաֆ» ակումում ապրիլի 23-ին Ոստիկանության իրականացրած գործողություններին։
Կան բողոքներ այն առնչությամբ, որ իրավապահներն անհամաչափ ուժ են կիրառել։
Մարդու իրավունքների պաշտպանն արձագանքել է տեղի ունեցածին և հանդես է եկել հայտարարությամբ։ Կազմակերպվել է ընդունելություն, որի ընթացքում ներկայացվել են գրավոր բողոքներ։ Անդրադառնալով այս դիտարկմանը՝ իրավապաշտպան Արա Ղարագյոզյանը նշեց․ «Երեկ իմ ֆեյսբուքյան էջում գրել էի, թե ինչու ՄԻՊ-ը չի արձագանքում այս դեպքերին։ Այսօր տեսա ՄԻՊ-ի գրառումը՝ այս դեպքերի հետ կապված։ Իմ կարծիքով՝ ոչինչ չասող հայտարարություն է, որովհետև ՄԻՊ ինստիտուտը հենց խոշտանգումների կանխարգելման համար է ստեղծված, մինչդեռ ՄԻՊ-ը գնահատական չի տվել։
Տեսանյութ կա, որ դիմակավորված ոստիկանները, ակնհատորեն և կոպտորեն խախտելով մարդու իրավունքները, ծեծում են մարդուն, բայց ՄԻՊ-ը գնահատական չի տալիս դրան։ ՄԻՊ-ը ավելին կարող էր անել, քան այդ ոչինչ չասող հայտարարությունն է։ Պետք է գնահատական տար, թե արդյոք իրավաչափ են եղել ոստիկանության գործողությունները, թե ոչ։ Բացասական եմ գնահատում, որ ՄԻՊը հստակ գնահատական չի տվել և ուշացած է արձագանքել»։
Մանրամասները՝ տեսանյութում։
