26.11.2024 | 23:20
Ադրբեջանում պահեստազորի սպաները բողոքի ակցիա են անցկացրել՝ պահանջելով իրենց հասանելիք վճարումները
Հին լրագրությունը, նոր գրականությունը և 4-րդ հարկում հայտնված ավանակը․ ապաքաղաքական զրույց Աշոտ Գազազյանի հետ. ՏԵՍԱՆՅՈՒԹ
Հաղորդաշարեր
23.04.2023 | 21:00
FACTOR.TV-ի A-Politic հաղորդաշարի հյուրն է գրող և լրագրող Աշոտ Գազազյանը: Անդրադառնալով խորհրդային և ժամանակակից հայ լրագրության տարբերությանը՝ հաղորդման հյուրը նշում է, որ նախկինում լրագրողների գրագիտության մակարդակն ավելի բարձր էր: Բացի դրանից՝ այսօր լրագրողներն իրենց աշխատանքը կատարում են մեխանիկորեն՝ առանց խորանալու նյութի բովանդակության և խնդրի երանգների մեջ: Ըստ նրա՝ լրագրողներն այժմ չեն աշխատում իրենց բառապաշարի և մտահորիզոնի վրա:
Խոսելով իր գրական գործունեության մասին՝ Աշոտ Գազազյանը նշում է, որ արդիականությունն, իր սովորական իմաստով, իրեն այս ասպարեզում չի հետաքրքրում: Նրա կարծիքով՝ մեր այսօրվա իրավիճակում ընթերցողի տրամադրությունը մի փոքր բարձրացնելը, նրան որոշակի լավատեսություն ներշնչելն արդեն իսկ արդիական է: Այդ առումով գրողն առանձնացնում է իր ծննդավայր Ախալցխան՝ իր յուրահատուկ մթնոլորտով, իր հումորով և բազմալեզու բնակիչներով:
Աշոտ Գազազյանը ստեղծագործում է հիմնական կարճ պատմվածքի ժանրում: Նա գերադասում է պատմվածքը ասել և վերջակետը դնել մեկ օրվա ընթացքում և գտնում է նաև, որ ապագայում մարդիկ մեծ վեպեր չեն կարդա և գրականության կրիչները կլինեն թվային: Գրողը համոզված է, որ այսօր էլ ընթերցողների 90 տոկոսը չի հասկանում, թե ինչ է կարդացել: Բարձր գրականություն հասկանալը միայն 10 տոկոս վերնախավի մենաշնորհն է:
Մանրամասները՝ տեսանյութում:
