24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
ՀՀ-ն առանց ԼՂ ժողովրդի իրավունքների հասցեագրման իրատեսական չի համարում տարածաշրջանում երկարատև խաղաղությունը․ ՏԵՍԱՆՅՈՒԹ
Քաղաքականություն
12.04.2023 | 18:32
ԱԺ-Կառավարություն հարցուպատասխանի ընթացքում ԱԳ նախարար Արարատ Միրզոյանը վերահաստատեց հայկական կողմի դիրքորոշումը, այն է՝ Բաքու-Ստեփանակերտ երկխոսության միջազգային մեխանիզմի շրջանակներում պետք է լուծում գտնեն, կարգավորվեն ԼՂ ժողովրդի իրավունքներն ու անվտանգությունը, դրանց առնչվող հարցերը։
«Անշուշտ, այս խնդիրների խումբը Հայաստան-Ադրբեջան կարգավորման մեծ գործընթացի մաս է, մենք այս մասին առաջին անգամ չէ, որ ասում ենք, վերջնական կարգավորումը տարածաշրջանում, երկարատև խաղաղության ու կայունության հաստատումը առանց ԼՂ ժողովրդի իրավունքների և անվտանգության խնդիրների հասցեագրման մենք իրատեսական չենք համարում»,- ասաց Միրզոյանը:
«Տարածաշրջանում կայունությամբ և խաղաղությամբ հետաքրքրված գործընկերների կողմից մշտապես եղել են առաջարկներ՝ կազմակերպելու հայկական և ադրբեջանական կողմերի հանդիպումներ, այժմ էլ կան այդպիսի առաջարկներ, առաջիկայում տեղի կունենան հանդիպումներ»,- ասաց ՀՀ ԱԳ նախարարը՝ անդրադառնալով ՔՊ խմբակցության պատգամավոր Սոնա Ղազարյանի դիտարկմանը, որ Ջեյհուն Բայրամովն ասել է, թե իբր միջազգային գործընկերները ճնշում են գործում հայկական կողմի վրա՝ վերադառնալու բանակցություններին:
«Մենք հետաձգել ենք մեր նախատեսված վերջին հանդիպումը, որը պետք է տեղի ունենար Մոսկվայում անցած տարեվերջին: Եվ դա պայմանավորված է եղել Լաչինի միջանցքի ապօրինի արգելափակման հետևանքով ստեղծված իրավիճակով: Առանցքային է հետաձգել բառը: Եվ մենք այժմ պատրաստ ենք վերսկսել հանդիպումները, քննարկումները»,- նշեց Միրզոյանը:
Մանրամասները՝ տեսանյութում։
