26.07.2026 | 12:28
Վթարային ջրանջատում Երևանում և Արարատում
«Եթե կարելի է քննիչի, դատախազի աշխատավարձը կրկնապատկել, ապա զինծառայողների դեպքում էսպիսի լուծում բերելը բավարար չէ». Թադևոս Ավետիսյան․ ՏԵՍԱՆՅՈՒԹ
Քաղաքականություն
28.02.2023 | 11:37
«Դուք ասում եք, որ փողի խնդիր չէ, այլ արդարության սկզբունքի խնդիր է»,- դիմելով ՀՀ աշխատանքի և սոցիալական հարցերի փոխնախարար Դավիթ Խաչատրյանին՝ նշեց «Հայաստան» խմբակցության պատգամավոր Թադևոս Ավետիսյանը՝ ելույթ ունենալով «ՀՀ պաշտպանության ժամանակ զինծառայողների կյանքին կամ առողջությանը պատճառված վնասների հատուցման մասին» օրենքում փոփոխություններ և լրացումներ կատարելու մասին նախագիծի վերաբերյալ:
Նախագծով առաջարկվում է նախկինում առաջին և երկրորդ կարգի հաշմանդամության կարգ ունեցող և զինծառայողների հիմնադրամից աջակցություն ստացած զինծառայողներին՝ երրորդ կարգի վերաորակում տալուց հետո հանել հիմնադրամի շահառուների թվից, բայց 3 տարի անցումնային ժամանակով հատկացնել դրամական աջակցություն:
Պատգամավորը նշեց, որ այդ տրամաբանությամբ, եթե մշտապես երրորդ խմբի հաշմանդամություն ունեցող զինծառայողը և նոր ֆունկցիոնալության համակարգի ներդրման հետևանքով առաջին և երկրորդ խմբից երրորդ խմբի հաշմանդամ դրաձած զինծառայողները ստանալու են տարբեր չափի գումարներ, ապա արդարության սկզբունքը խախտվում է․ «Սկզբունքը նույն կարգի հաշմանդամների՝ տարբեր չափի գումարներ ստանալու մեջ է»։
Թադևոս Ավետիսյանը հավելեց, որ փոխնախարարի ներկայացրած աշխատանքի աջակցման ծրագրերում հաշմանդամները չեն ինտեգրվել․ եթե նրանք ինտեգրվեն այդ ծրագրերոմ, դառնան կայուն զբաղված, իրենց կյանքն ապահովեն աշխատանքով, ապա դա կլիներ իդեալական, բայց բայց դա տեղի չի ունեցել»:
«Նախագծով պետությունը նվեր չի անում, այլ իր պարտավորությունն է կատարում: Արվում է ժամանակավոր կարգավորում, բայց արեք ամբողջական, ինչո՞ւ եք կիսատ լուծում բերում, եթե փողի խնդիր չկա, իսկ ես ենթադրում եմ, որ չկա: Եթե կարելի է քննիչի, դատախազի աշխատավարձը կրկնապատկել, ապա այս դեպքում նույնիսկ բարոյական չէ ամբողջական լուծում չբերելը: Այսպիսի կիսատ լուծումներով խնդիրը չի լուծվում»,- ընդգծեց ընդդիմադիր պատգամավորը:
Մանրամասերը՝ տեսանյութում։
