29.10.2026 | 18:39
«Բավարիայի» գլխավոր մարզիչը դուրս է գրվել հիվանդանոցից
Թուրքիայի, Ադրբեջանի ու Վրաստանի ՊՆ ղեկավարները հետևել են Կարսում ընթացող զորավարժություններին․ԼՈՒՍԱՆԿԱՐՆԵՐ
Քաղաքականություն
02.02.2023 | 18:18
Կարս քաղաքում հունվարի 18-ից անցկացվող «Ձմեռ 2023» զորավարժություններին հետևել են Թուրքիայի ՊՆ ղեկավար Հուլուսի Աքարը, Ադրբեջանի ու Վրաստանի պաշտպանության նախարարները, ինչպես նաև թուրքական զինված ուժերի հրամանատարությունը, գրում է Անադոլու գործակալությունը։
Զորավարժություններին մասնակցում են 17 երկրի զինվորականներ, այդ թվում՝ Գերմանիայի, Ադրբեջանի, Ղազախստանի ու Մեծ Բրիտանիայի։ Շտաբի սպաները Հուլուսի Աքարին և նրան ուղեկցող հյուրերին տեղեկացրել են վարժանքների սցենարի և ընթացքի մասին։
Ելույթ ունենալով ճեպազրույցում՝ Թուրքիայի ՊՆ ղեկավարն ընդգծել է տարածաշրջանում և ամբողջ աշխարհում խաղաղության և կայունության ապահովմանն ուղղված համատեղ քայլերի կարևորությունը։ Հավելենք, որ ավելի վաղ երեք երկրների ՊՆ ղեկավարները նաև հանդիպել էին ու եռակողմ բանակցություններ անցկացրել։
Էմմա Չոբանյան
