23.06.2026 | 00:27
Ամենամեծ էկրանով ստադիոնը, չսպասված երկրպագուներ. ԱԱ-2026-ի Բելգիա-Իրան խաղը` Factor TV-ի աչքերով
Բաքուն հայտնում է, որ շարունակելու է Լաչինի միջանցքի արգելափակումը՝ «մինչև արդյունքի հասնելը»
Քաղաքականություն
06.01.2023 | 15:19
Պաշտոնական Բաքուն խոստովանել է, որ Ադրբեջանի իշխանություններն են արգելափակել Լաչինի միջանցքն ու Արցախը շրջափակման մեջ են պահում։ Մասնավորապես, Ադրբեջանի Էկոլոգիայի և բնական պաշարների նախարարության բնապահպանական պետական ծառայության ղեկավար Հիքմեթ Ալիզադեն հայտարարել է, որ Լաչինի միջանցքի փակումը շարունակվելու է՝ մինչև արդյունքի հասնելը, ինչի համար էլ ակցիան կազմակերպվել է։
«Մասնակիցները նորմալ պահանջներ ունեն, նրանք թույլտվություն են ուզում նշված տարածքում մշտադիտարկում անցկացնելու համար: Կարծում եմ, որ գործողությունները կշարունակվեն մինչև արդյունքի հասնելը»,- ասել է Ալիզադեն։
Հավելենք, որ Ադրբեջանի իշխանություններն արդեն 26 օր է՝ փակ են պահում Լաչինի միջանցքը։
Էմմա Չոբանյան
