06.05.2024 | 23:35
Պարեկները ապրիլի 29-ից մայիսի 6-ը Երևանում հայտնաբերել են 4 123, մարզերում՝ 12 068 խախտում
Թուրքիան չի շտապում հեռանալ Հյուսիսային Իրաքից
Քաղաքականություն
12.06.2018 | 16:44
Թուրքիայի պաշտպանության նախարար Նուրեթթին Ջանիքլին թուրքական պետական «Anadolu» լրատվական գործակալությանը հարցազրույց է տվել, որտեղ անդրադարձել է Հյուսիսային Իրաքի Քանդիլ շրջանում սկսված ռազմական գործողություններին. տեղեկացնում է ermenihaber-ը:
Ի դեպ, Քանդիլը Թուրքիայում ահաբեկչական համարվող «Քուրդիստանի բանվորական կուսակցության» (ՔԲԿ-PKK) զինյալների գլխավոր ռազմաբազան է։
«Այժմ մեր նպատակը հետևյալն է. մենք այնտեղ մնալու ենք այնքան ժամանակ, քանի դեռ ահաբեկչության վտանգն իսպառ չի վերանա։ Մենք մնալու ենք Հյուսիսային Իրաքում»,- ասել է Թուրքիայի պաշտպանության նախարարը։
Թուրք պաշտոնյան տեղեկացրել է, որ Իրաքի զինված ուժերի աջակցությամբ Թուրքիան Իրաքում ստեղծել է մի շարք ռազմաբազաներ, որտեղից ավելի դյուրին է քուրդ զինյալների հենակետերը թիրախում պահելը։
