«Նուբարյան Լաբ»-ն ու «World of Geniuses»-ը համագործակցության հուշագիր են ստորագրել

Վճարովի բովանդակություն

«Նուբարյան Լաբ» կրթական նախաձեռնությունն ու «World of Geniuses» միջազգային կազմակերպությունը ստորագրել են փոխըմբռնման հուշագիր՝ Հայաստանում երեխաների անհատական առանձնահատկությունների, ուժեղ կողմերի և զարգացման ներուժի ավելի խորքային ճանաչման ժամանակակից մոտեցումներ ներդնելու նպատակով։

Գործընկերության շրջանակում նախատեսվում է Հայաստանում հասանելի դարձնել միջազգային փորձը և ժամանակակից գիտական ու տեխնոլոգիական մոտեցումները՝ այդ թվում նեյրոգիտության, ճանաչողական գիտությունների և արհեստական բանականության հնարավորությունների կիրառմամբ։

«Համագործակցության հիմքում կարևոր գաղափար է՝ յուրաքանչյուր երեխա տարբեր է, և նրա զարգացման ճանապարհը պետք է կառուցվի նրա անհատական առանձնահատկությունների, ուժեղ կողմերի ու ներուժի հիման վրա։ Մենք համոզված ենք, որ կրթության ապագան գնալով ավելի անհատականացված է լինելու։ Որքան ավելի լավ ճանաչենք երեխային, այնքան ավելի գիտակցված կարող ենք աջակցել նրա կրթական և անձնական զարգացմանը։ Հայաստանը մեծ մարդկային և մտավոր ներուժ ունի, և մեր նպատակն է նոր հնարավորություններ ստեղծել այդ ներուժի բացահայտման ու զարգացման համար», – նշել է «Նուբարյան Լաբ»-ի հիմնադիր Թելման Թադևոսյանը։

«World of Geniuses»-ի համահիմնադիր Էդ Ստանիշևսկին ընդգծել է, որ համագործակցության նախաձեռնությունը «Նուբարյան Լաբ»-ինն էր, և իրենք մեծ հետաքրքրությամբ են ընդունել Հայաստանում գործընկերություն ձևավորելու առաջարկը։

Հուշագրի ստորագրումը երկու կազմակերպությունների միջև երկարաժամկետ համագործակցության սկիզբն է՝ նպատակ ունենալով Հայաստանում նոր հնարավորություններ ստեղծել երեխաների անհատական զարգացման համար՝ համադրելով ժամանակակից գիտելիքն ու նորարարական տեխնոլոգիաները։