20.10.2026 | 14:52
Թեղուտի հանքավայրի պղինձը կուղղվի ԱՄՆ՝ Չինաստանի փոխարեն․ Սոկոլովը մտադիր է ամրապնդել ՀՀ-ԱՄՆ գործընկերությունը
Մոջթաբա Խամենեին հայտարարել է, որ «թշնամու ուժերը շուտով դուրս կմղվեն Արաբական ծովից»
Քաղաքականություն
28.09.2026 | 18:47
Իրանի Գերագույն առաջնորդ Մոջթաբա Խամենեին հայտարարել է, որ երկրի զինված ուժերը «թշնամուն» Իրանի հարավային ափերի մերձակա ջրերից դուրս են մղել դեպի Արաբական ծով։
«Մեր քաջարի մարտիկների և Հորմուզի նեղուցի պահապանների հասցրած ցավալի հարվածներից հետո նրանք [թշնամին] չեն համարձակվում անցնել Արաբական ծովի սահմաններից այն կողմ»,- ասել է Խամենեին՝ Իրան-Իրաք պատերազմի հիշատակի և Իսրայելի կողմից «Հեզբոլլահի» առաջնորդ Հասան Նասրալլահի 2024 թվականին սպանության տարելիցի կապակցությամբ իր գրավոր ուղերձում իրանական լրատվամիջոցների կողմից հրապարակված։
«Ամեն անգամ, երբ նրանք համարձակվել են այդպես վարվել, միայն վնաս են հասցրել իրենց, և արագորեն մոտենում է այն պահը, երբ Արաբական ծովը նույնպես կազատվի նրանց ներկայությունից»,-հավելել է նա ու նշել «Ոմանք մեզ համարում են աշխարհի չորրորդ գերտերությունը։ Այսօր թշնամու ուժերը չեն համարձակվում անցնել Արաբական ծովից այն կողմ», -ասել է նա։
Խամենեին հայտարարել է, որ իրանական հասարակության տարբեր հատվածներ, չնայած առկա տարաձայնություններին, միավորված են երկրի դիրքորոշմանը, այդ թվում՝ Հորմուզի նեղուցի նկատմամբ Իրանի պահանջին աջակցելու հարցում։ Նա նաև պնդել է, որ իրանական ուժերը երկրի շրջակա ջրերում կորուստներ են պատճառել հակառակորդներին։
Խամենեիի հայտարարությունները հնչել են այն բանից հետո, երբ Վաշինգտոնը մերժել էր Հորմուզի նեղուցի վերաբացմանն առնչվող Թեհրանի առաջարկը։Միաժամանակ ԱՄՆ նախագահ Դոնալդ Թրամփը հայտարարել էր Իրանի հետ սպասվելիք նոր հանդիպման մասին։
Թարգմանությունը՝ Էմմա Չոբանյանի
