29.10.2026 | 21:43
Թուրքիայի Կապադովկիա շրջանում երկու մարդ է զոհվել, ևս մեկը՝ վիրավորվել ժայռաբեկորների փլուզման հետևանքով․ ՏԵՍԱՆՅՈՒԹ
Իրանը ծրագրում է զորավարժություններ անցկացնել Հնդկական օվկիանոսի հյուսիսում
Քաղաքականություն
29.12.2022 | 20:19
Իրանը նախատեսում է վարժանքներ անցկացնել Հնդկական օվկիանոսի հյուսիսային հատվածում։ Այս մասին հայտարարել է ծովակալ Հաբիբուլլա Սիյարին, փոխանցում է Mehr-ը։
«Այսօր երեկոյան կսկսվեն «Զուլֆիկար 1401» զորավարժությունները, որոնք կանցկացվնան Հորմուզի նեղուցի արևելյան հատվածում մինչև Հնդկական օվկիանոսի հյուսիսային լայնության 10-րդ զուգահեռականը։ Զորավարժություններին, բացի ռազմածովային ուժերից, կմասնակցեն ցամաքային զորքերի տարբեր ստորաբաժանումներ, կներգրավվեն ՀՕՊ համակարգեր և ռազմաօդային ուժերի ռազմավարական ռմբակոծիչներ»,- հավելել է բարձրաստիճան զինվորականը։
Որպես զորավարժությունների նպատակ՝ ծովակալը նշել է Իրանի զինված ուժերի տարբեր ճյուղերի համատեղ գործողություններ պլանավորելու և վարելու հմտությունների կատարելագործումը։ Բացի այդ, Սիյարին ընդգծել է, որ զորավարժությունների ընթացքում ռազմական գործողություններ կիրականացվեն հատուկ պայմաններում, այդ թվում՝ վարակված միջավայրում։
Հոկտեմբերի 12-ին Իսլամական Հանրապետությունն Օմանի հետ համատեղ ռազմածովային զորավարժություններ է անցկացրել Հնդկական օվկիանոսի հյուսիսային հատվածում։ Զորավարժություններն անցկացվել են Օմանի տարածքային ջրերում։
Տաթև Ֆռանգյան
