29.10.2026 | 21:55
Քրիստին Լագարդը վաղաժամ հեռանում է Եվրոպական կենտրոնական բանկի նախագահի պաշտոնից
Մենք ո՛չ վախեցած ենք, ո՛չ ահաբեկված․ Հունաստանն արձագանքել է Թուրքիայի պատերազմի սպառնալիքներին
Քաղաքականություն
29.12.2022 | 22:03
Հունաստանի փոխվարչապետ, կառավարության ներկայացուցիչ Յանիս Էկոնոմոսը հայտարարություն է տարածել՝ պատասխանելով Հունաստանի դեմ Թուրքիայի կողմից պատերազմի վերջին սպառնալիքներին, գրում է Greek City Times-ը։
Թուրքիայի արտաքին գործերի նախարար Մևլութ Չավուշօղլուն այսօր սպառնալիքներ էր հնչեցրել՝ կրկնելով, որ Անկարան թույլ չի տա Էգեյան ծովում Հունաստանի տարածքային ջրերի ընդլայնումն անգամ մեկ մղոնով։
«Հունաստանը ո՛չ վախեցած է, ո՛չ ահաբեկված։ Հունական կառավարությունը կառավարում է բացառապես միջազգային իրավունքի և ազգային շահերի հիման վրա։ Սպառնալիքների և սադրանքների մարտավարությունը, որին հետևում է Թուրքիան, բացարձակ փակուղի է, քանի որ Հունաստանը ո՛չ վախեցած է, ո՛չ էլ ահաբեկված։ Թուրք պաշտոնյաների համար օգտակար կլինի մտածել փակուղու մասին և չշարունակել նույն ճանապարհը նաև նոր տարում»,- ասել հույն պաշտոնյան։
Չավուշօղլուին պատասխանել է նաև Հունաստանի ԱԳՆ ներկայացուցիչ Գեորգիոս Արնաոտիսը։
«Թուրքիան վերջապես պետք է հասկանա, որ կան կանոններ, որոնց հետևում են բոլոր քաղաքակիրթ պետությունները։ Բռնություն գործադրելու սպառնալիքը, քանի որ կանոնները քեզ դուր չեն գալիս, հիշեցնում է այլ դարեր և, իհարկե, ոչ 21-րդ դարը»,- ասել է պաշտոնյան։
Էմմա Չոբանյան
