01.11.2024 | 16:18
Զապորոժիեի ԱԷԿ-ում վերականգնվել է ռեակտորից ջրի արտահոսքի պատճառ դարձած ճեղքը
Երևանն ու Բաքուն են սահմանում շփումների դինամիկան և որոշում ապագա խաղաղության պայմանագրի բովանդակությունը․ Լավրով
Քաղաքականություն
29.12.2022 | 13:13
ՌԴ ԱԳ նախարար Սերգեյ Լավրովը «Россия сегодня»-ին տված հարցազրույցում անդրադարձել է նաև առաջիկայում Հայաստանի և Ադրբեջանի միջև հնարավոր խաղաղության պայմանագրի կնքման թեմային։
Հարցին՝ արդյո՞ք Ռուսաստանն ակնկալում է, որ առաջիկա ամիսներին Հայաստանն ու Ադրբեջանը կստորագրեն խաղաղության պայմանագիր, և արդյո՞ք այն կներառի Լեռնային Ղարաբաղի կարգավիճակը, Լավրովը պատասխանել է․ «Ավելի տրամաբանական է այդ հարցն ուղղել բանակցող կողմերին՝ Բաքվին ու Երևանին։ Հենց նրանք են սահմանում շփումների դինամիկան և որոշում ապագա խաղաղության պայմանագրի բովանդակությունը։ Ռուսաստանը, որը և՛ Ադրբեջանի, և՛ Հայաստանի հետ ունի ռազմավարական գործընկերության ու դաշնակցային հարաբերություններ, այդ գործընթացին համակողմանի աջակցություն է ցուցաբերում այն ձևով ու ծավալով, որում հետաքրքրված են մեր ադրբեջանցի ու հայ ընկերները»։
Էմմա Չոբանյան
