Այն, որ իշխանությունը հրաժարվում է գնալ բանակցությունների, անընդունելի է․ Սեյրան Օհանյան․ ՏԵՍԱՆՅՈՒԹ

Պայքարող հայերը ցույց են տալիս, որ իրենց ոգին անկոտրում է և որ արցախցին իրավունք ունի ապրելու իր իսկ պատմական հայրենիքում՝ Արցախում․ դրա համար անհրաժեշտ է անվտանգության և կայուն զարգացման միջավայր։ Այս մասին լրագրողների հետ ճեպազրույցի ընթացքում նշեց «Հայաստան» խմբակցության ղեկավար Սեյրան Օհանյանը։

Անդրադառնալով Լաչինի միջանցքի փակ լինելուն, և այն բացելու ուղղությամբ ՀՀ իշխանությունների գործունեությանը՝ Օհանյանն ընդգծեց․ «Պետք է պայքարել, իսկ այդ պայքարում իրավունք չունենք արցախցուն միայնակ թողնելու․․․ Չպետք է խորշել և վախենալ ինքնորոշում բառից, Արցախի Հանրապետություն արտահայտությունից՝ տեղի տալով թուրք-ադրբեջանական տանդեմին, բոլոր այն ճնշումներին, որոնց տակ ՀՀ իշխանությունները գտնվում են…

Մենք բազմիցս ասել ենք` պարտված իշխանությունները գտնվում են թելադրանքի, պարտադրանքի ճնշման ներքո:
Եթե ՀՀ իշխանությունն աջակցի Արցախին այս դժվար իրավիճակում, չվախենա այն արտահայտություններից, որ Արցախը պարտավոր է իր իսկ տարածքում ինքնորոշվել, ապա Արցախը չի կարող լինել Ադրբեջանի կազմում: Բայց, ցավոք, իրենք իրենց ձեռքերը լվացել են Արցախից»։

«Հայաստան» խմբակցության ղեկավարն անդրադառնալով բանակցային գործընթացում ստեղծված իրավիճակին, ընդգծեց․ «Այն, որ իշխանությունը հրաժարվում է գնալ բանակցությունների, անընդունելի է։

Օհանյանի դիտարկմամբ՝ իշխանությունը երկակի խաղ է խաղում․ «Անվտանգության երաշխավորը ՌԴ-ն, է բայց իշխանությունը գնում է դեպի Արևմուտք»։

Մանրամասները՝ տեսանյութում։