18.12.2025 | 20:43
Հրդեհ Հայկաձոր գյուղում. այրվել է մոտ 1800 հակ անասնակեր
Թուրքիան ՌԴ-ի հետ բանակցում է Սիրիայի օդային տարածքը նոր ռազմական գործողության ժամանակ օգտագործելու շուրջ․ Աքար
Քաղաքականություն
26.12.2022 | 16:20
Թուրքիան բանակցություններ է վարում Ռուսաստանի հետ՝ սիրիական քրդական YPG-ի դեմ հնարավոր ցամաքային գործողության դեպքում Հյուսիսային Սիրիայի օդային տարածքն օգտագործելու համար։ Այս մասին հայտարարել է Թուրքիայի ՊՆ ղեկավար Հուլուսի Աքարը, գրում է Reuters-ը։
Թուրքիան մի քանի անգամ ներխուժել է Սիրիայի հյուսիս՝ YPG-ի դեմ ռազմական գործողություն իրականացնելով, և ամիսներ շարունակ սպառնում է նոր ներխուժմամբ։ Անցյալ ամիս Անկարան սկսեց ուժեղացնել նախապատրաստական աշխատանքները Ստամբուլում մահացու պայթյունից հետո, որի համար մեղադրում է քուրդ զինյալներին:
Քուրդիստանի աշխատավորական կուսակցությունը (PKK) և ԱՄՆ-ի դաշնակից Սիրիայի դեմոկրատական ուժերը (SDF)՝ YPG-ի գլխավորությամբ, հերքել են իրենց մասնակցությունը Ստամբուլի պայթյունին։
Աքարն ասել է, որ Անկարան նոր ռազմական գործողության շուրջ բանակցություններ է վարում Մոսկվայի հետ, որն աջակցում է Սիրիայի նախագահ Բաշար Ասադի ուժերին։
«Մենք բանակցությունների մեջ ենք և քննարկում ենք Ռուսաստանի հետ բոլոր հարցերը, այդ թվում՝ օդային տարածքի բացման»,- ասել է Թուրքիայի ՊՆ ղեկավարը։
Հավելենք, որ Վաշինգտոնը բազմիցս հայտարարել է, որ դեմ է Սիրիայում թուրքական նոր ռազմական գործողությանը։ Մոսկվան ևս հայտարարել է, որ բանակցում է թուրքական կողմի հետ՝ զերծ պահելու նոր գործողությունից։
Էմմա Չոբանյան
