07.06.2026 | 21:50
Վճռաբեկ դատարանի որոշման հետևանքով քաղաքացիներն այսօր քաշքշուկի մեջ են եղել՝ ընտրելու իրենց իրավունքն իրացնելու համար
Թալինի ոստիկանները խարդախության դեպք են բացահայտել
Հասարակություն
14.12.2022 | 18:27
Դեկտեմբերի 13-ին ոստիկանության Թալինի բաժնում հաղորդում տված քաղաքացին հայտնել էր, որ «Լիստ.ամ» կայքում տեղադրած իր ավտոմեքենայի վաճառքի վերաբերյալ հայտարարության միջոցով նոյեմբերի 17-ին ծանոթացել է ոմն Գևորգի հետ, ինչից հետո նա եկել է Թալին և խաբեությամբ վստահությունը չարաշահելով՝ վերցրել է ավտոմեքենան ու պարտավորվել մինչև դեկտեմբերի 10-ը վճարել 400 000 դրամ, սակայն մինչ օրս չի վճարել․ տեղեկացնում են ՀՀ ոստիկանությունից։
Ոստիկանության Թալինի բաժնի քրեական հետախույզների ձեռնարկած օպերատիվ-հետախուզական միջոցառումների արդյունքում պարզվել է արարքը կատարողի ինքնությունը: 33-ամյա տղամարդը դեկտեմբերի 13-ին Սևան քաղաքի Նաիրյան փողոցում հայտնաբերվել և տարվել է Թալինի բաժին: Նա և կազմված փաստաթղթերը ներկայացվել են Արագածոտնի մարզային քննչական վարչություն:
