07.08.2026 | 18:59
Ռուբինյանը աշխարհի խորհրդարանների պատմության ամենաերիտասարդ նախագահն է
Հենրիխ Մխիթարյանը Հռոմի պապին մարզաշապիկ է նվիրել
15.11.2022 | 12:07
Միլանի «Ինտեր»-ի կիսապաշտպան, Հայաստանի ֆուտբոլի ազգային հավաքականի նախկին ավագ Հենրիխ Մխիթարյանը հանդիպել է Հռոմի Ֆրանցիսկոս Պապի հետ։ «Ինձ համար պատիվ էր հանդիպել Նորին Սրբություն Հռոմի Պապ Ֆրանցիսկոսին և աշխարհահռչակ խաղացողների հետ միասին նպաստել նրա գլոբալ ջանքերին աշխարհում խաղաղության հաստատման գործում»,- «Ֆեյսբուք» սոցցանցի իր էջում գրել է Մխիթարյանը: Հայ մարզիկը հովվապետին իր ստորագրությամբ մարզաշապիկ է նվիրել։
Հավելենք, որ հանդիպումը կայացել է «Խաղում ենք հանուն խաղաղության» խորագիրը կրող ֆուտբոլային խաղից առաջ։ Հռոմի «Օլիմպիական» մարզադաշտում կայացած բարեգործական խաղին մասնակցել են բազմաթիվ անվանի ֆուտբոլիստներ, այդ թվում՝ Հենրիխ Մխիթարյանը։ Մրցաշարը կազմակերպվում է արդեն երրորդ անգամ քահանայապետական Scholas Occurrentes հիմնադրամի կողմից։
Տաթև Ֆռանգյան
