Հասարակություն
05.06.2018 | 12:18Ազգային ժողովի «Ծառուկյան» խմբակցության պատգամավոր Նաիրա Զոհրաբյանի խոսքով՝ նախորդ կառավարությունները զարգացրել են առասպելաբանության ժանրը ուռուցքաբանության ոլորտում, և չնայած պետպատվերում ներառված է դարի հիվանդության բուժման համար դեղերի մեծ հատված, սակայն, քիմիաթերապիայի դաշտը մոնոպոլիզացված է, և այդ դեղերը ներկրելու հնարավորություն ունեն միայն իշխանության բարձրագույն սանդղակին կցված օլիգարխները։
Պատգամավոր Զոհրաբյանը առողջապահության նախարար Արսեն Թորոսյանից հետաքրքվեց՝ այս ոլորտը, որը հետաքրքում է բնակչության մեծամասնությանը, ինչպե՞ս է կարգավորելու։
Նախարար Թորոսյանը նշեց, որ կան խոշոր ներկրողներ, և հիմա, փաստացի, ցանկացած ընկերություն կարող է բերել ցանկացած դեղ, որը պետք է բերի գների նվազման, սակայն, այստեղ առկա է նաև չգրանցված դեղերի խնդիրը, որը լուծելու համար պետությունը որոշել է զուգահեռ դեղեր ներմուծել և գրանցել դրանք, իսկ գների նվազման համար էլ դեղերի վրայից առաջարկվում է հանել ԱԱՀ հարկատեսակը։
Մանրամասները՝ տեսանյութում:
