07.08.2026 | 23:37
Անձրև, ամպրոպ և ջերմաստիճանի նվազում. առաջիկա օրերի եղանակի կանխատեսումը
Բյուջեով հատկացված միջոցներից «շփոթվել» ու այն փողոցն են նորոգել, որտեղ տեղացի պաշտոնյաներ են ապրում․ Փաշինյան․ ՏԵՍԱՆՅՈՒԹ
Տեսանյութեր
03.11.2022 | 13:38
Կառավարության այսօրվա նիստում որոշում կայացվեց համայնքներին պետական բյուջեով արդեն իսկ նախատեսված սուբվենցիաներից բացի, այլ սուբվենցիաներ տրամադրելու նպատակով Արարատի, Արմավիրի, Լոռու և Տավուշի մարզպետարաններին հատկացնել 728 մլն 887 հազ․ դրամ։
Վարչապետ Նիկոլ Փաշինյանն իրականացված ծրագրերը ներկայացնելիս նշեց, որ նախկինում եղել է դեպք, երբ «խիստ պատահականորեն բյուջեով հատկացված միջոցներից շփոթվել և այն փողոցն են նորոգել, որտեղ տեղացի պաշտոնյաներ են ապրում»։
Վարչապետը հավելեց, որ ՊՎԾ-ն ուսումնասիրություն է սկսել։
Պետական վերահսկողության ծառայության ղեկավար Ռոմանոս Պետրոսյանը տեղեկացրեց, որ Շիրակի մարզի Սարատակ համայնքում փաստաթղթավորվել, նախագծվել և նախահաշվային բոլոր փաստաթղթղերը կազմվել են 5-րդ փողոցի անվամբ, սակայն հիմնանորոգման աշխատանքները փաստացի կատարվել են 4-րդ փողոցում։
«Ձեր հանձնարարությամբ ՏԿԵ նախարարությանը և Շիրակի մարզպետարանին ՊՎԾ-ն առաջարկություն է ներկայացրել իրականացնել ծառայողական քննություն, իսկ առերևույթ հանցակազմ պարունակող փաստերը փոխանցել իրավապահ մարմիններին»,- հայտնեց Պետրոսյանը՝ հավելելով, որ իրավախախտումների վերաբերյալ փաստաթղթերը փոխանցվել են դատախազությանը։
Մանրամասները՝ տեսանյութում։
