20.11.2024 | 22:30
Սարգիս Բեգոյանը` ըմբշամարտի զինվորականների աշխարհի առաջնության արծաթե մեդալակիր
Ադրբեջանի իշխանությունները ռուս գործընկերներին ստում են․ Ալեն Սիմոնյան. ՏԵՍԱՆՅՈՒԹ
Քաղաքականություն
26.10.2022 | 14:21
ՀՀ ԱԺ նախագահ Ալեն Սիմոնյանը ԱԺ-ում լրագրողների հետ ճեպազրույցում հաստատեց, որ Սոչիի հանդիպմանը ՀՀ վարչապետ Նիկոլ Փաշինյանը կմասնակցի և, ամենայն հավանականությամբ, հոկտեմբերի վերջին կկայանա Փաշինյան-Ալիև հանդիպումը:
Նշենք, որ Ռուսաստանի նախագահ Վլադիմիր Պուտինը Հայաստանի վարչապետ Նիկոլ Փաշինյանին և Ադրբեջանի նախագահ Իլհամ Ալիևին հրավիրել է մասնակցելու Ռուսաստանում կայանալիք եռակողմ հանդիպմանը։
Անդրադառնալով հարցին՝ Ռուսաստանի կողմից կա՞ չեզոքություն, թե՞ կա ադրբեջանամետ դիրքորոշում՝ Ալեն Սիմոնյանը պատասխանեց. «Դե, Ռուսաստանն ասում է, որ Ադրբեջանը նույնպես դաշնակից է, բայց ես համարում եմ, որ դա ճշմարտություն չէ: Ադրբեջանի իշխանությունները ռուս գործընկերներին, մեղմ ասած, խաբում են և ստում են բոլոր հնարավոր ձևերով»։
«Ականատես ենք լինում, որ եվրոպական երկրների հետ հանդիպումներում Ադրբեջանի ներկայացուցիչները մեզ մեղադում են ռուսամետության մեջ, իսկ Մոսկվայում Ադրբեջանի ղեկավարը և ներկայացուցիչները մեզ մեղադրում են եվրոամետ և ամերիկամետ լինելու մեջ․ դա ադրբեջանական աշխատելաոճն է։ Ի տարբերություն Ադրբեջանի, մենք բաց ենք, ազնիվ ենք մեր բոլոր գործընկերների հետ և նույնն ենք ասում և՛ Ռուսաստանում, և՛ Եվորապյում, և շարունակելու ենք մեր այս աշխատելաոճը»,- նշեց Սիմոնյանը։
Մանրամասները՝ տեսանյութում։
