27.07.2026 | 18:08
Ընտրությունների մասնակցելու համար ՀՀ ժամանած քանի քաղաքացի է ստացել վարժական հավաքների ներկայանալու ծանուցագրեր
Պուտինը հայտարարել է, թե «Ռուսաստանը կապահովի նոր շրջանների անվտանգությունը»
Քաղաքականություն
30.09.2022 | 17:30
Ռուսաստանի նախագահ Վլադիմիր Պուտինը Կիևին կոչ է արել անհապաղ դադարեցնել կրակը և բանակցություններ սկսել։ Այս մասին Պուտինը հայտարարել է Ուկրաինայի օկուպացված տարածքներում անցկացված «հանրաքվեների» արդյունքների վերաբերյալ Կրեմլում ունեցած ելույթի ժամանակ։
«Մարդիկ իրենց միանշանակ ընտրությունն են արել։ Այսօր մենք ստորագրում ենք ԼԺՀ-ն, ԴԺՀ-ն և Զապորոժիեի ու Խերսոնի մարզերը ՌԴ կազմում ներառվելու մասին պայմանագիրը։ Չորս նոր սուբյեկտներ կհայտնվեն Ռուսաստանի կազմի մեջ։ Սա միլիոնավոր մարդկանց կամքն է… Դոնեցկում, Լուգանսկում, Խերսոնում և Զապորոժիեում ապրող մարդիկ ընդմիշտ դառնում են մեր քաղաքացիները։ Մենք կոչ ենք անում Կիևին՝ անհապաղ դադարեցնել կրակը, բոլոր ռազմական գործողությունները և վերադառնալ բանակցությունների սեղանի շուրջ։ Մենք դրան պատրաստ են։ Միշտ»,- հայտարարել է Պուտինը։
Նրա խոսքով՝ Կիևը պետք է հարգանքով վերաբերվի ԼԺՀ-ի, ԴԺՀ-ի, Զապորոժիեի և Խերսոնի մարզերի ընտրությանը, «միայն այդպես կարող է լինել խաղաղության ճանապարհը»։
«Մենք կապահովենք ԴԺՀ-ի, ԼԺՀ-ի, Զապորոժիեի և Խերսոնի շրջանների անվտանգությունը, կօգնենք վերականգնել ենթակառուցվածքները»,- ասել է ՌԴ նախագահը։
Տաթև Ֆռանգյան
