27.02.2026 | 16:48
Ուկրաինան և ՌԴ-ն համաձայնության են եկել Զապորոժիեի ԱԷԿ-ի վերանորոգման համար տեղական հրադադարի շուրջ
Մեդվեդևը հայտարարել է միջուկային զենք օգտագործելու՝ Ռուսաստանի իրավունքի մասին
Քաղաքականություն
27.09.2022 | 18:00
Ռուսաստանն իրավունք ունի, անհրաժեշտության դեպքում, միջուկային զենք կիրառել։ Այս մասին Telegram-ի իր ալիքում գրառմամբ հայտարարել է ՌԴ Անվտանգության խորհրդի փոխնախագահ Դմիտրի Մեդվեդևը, փոխանցում է Lenta-ն։
Քաղաքական գործչի կարծիքով՝ դա հնարավոր է, եթե Ռուսաստանին սպառնացող վտանգը գերազանցի «սահմանված շեմը»։
«Ռուսաստանն իրավունք ունի միջուկային զենք կիրառել, եթե դա անհրաժեշտ լինի։ Նախապես որոշված դեպքերում։ Եթե մեր կամ մեր դաշնակիցների վրա հարձակվեն այս տեսակի սպառազինության օգտագործմամբ»,- բացատրել է Մեդվեդևը:
Նա նշել է, որ միջուկային զենքի կիրառումը տեղի կունենա «միջուկային զսպման ոլորտում պետական քաղաքականության հիմունքներին համապատասխան»։
Տաթև Ֆռանգյան
