13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
Իրանի խորհրդարանում կքննարկվի Հայաստանի և Ադրբեջանի միջև էսկալացիայի հարցը
Քաղաքականություն
19.09.2022 | 15:50
Իրանի խորհրդարանը սեպտեմբերի 21-ին կայանալիք արտահերթ նիստի ժամանակ կքննարկի հայ-ադրբեջանական սահմանին Ադրբեջանի ագրեսիայի հետևանքով սրումը, հաղորդում են տեղական լրատվամիջոցները։
Իրանի խորհրդարանի Արտաքին հարաբերությունների և անվտանգության հարցերի խորհրդարանական հանձնաժողովի նախագահ Վահիդ Ջալալզադեի խոսքով՝ բարձրաստիճան պաշտոնյաները, Ազգային անվտանգության բարձրագույն խորհուրդը, ինչպես նաև Իրանի ԱԳ նախարարությունն ու խորհրդարանը ցանկանում են լրջորեն զբաղվել այս խնդրով։ Այս կապակցությամբ Ջալալզադեն նշել է, որ առջևում շատ կարևոր քննարկում է։
Նրա խոսքով՝ իրանական կողմը լրջորեն անհանգստացած է երկու հարևան երկրների սահմանին վերջին իրադարձություններով։
Ջալալզադեն հավելել է, որ խնդիրը քննարկվել է Իրանի բարձրաստիճան պաշտոնյաների հետ։ Խորհրդարանականները խնդրել են երկրի Ազգային անվտանգության բարձրագույն խորհրդին, ինչպես նաև ԱԳՆ-ին՝ ամենայն լրջությամբ մոտենալ այս հարցին։
Տաթև Ֆռանգյան
