09.10.2026 | 18:43
Հայաստանի լրագրողների ֆուտբոլի հավաքականը կմասնակցի Կոտե Մախարաձեի անվան հուշամրցաշարին
Հերթական ահազանգը մետրոպոլիտենում․ աշխատանքն արդեն վերականգնվել է
Հասարակություն
17.08.2022 | 11:33
Այսօր՝ օգոստոսի 17-ին, առավոտյան ժամը 10։15-ի սահմաններում Երևանի մետրոպոլիտենում կրկին ռումբի մասին ահազանգ է ստացվել։ Դադարեցվել է մետրոյի աշխատանքը, սակայն 1 ժամ անց պարզվել է, որ ահազանգը կեղծ էր։
Ժամը 11։15-ից մետրոպոլիտենի բնականոն աշխատանքը վերականգնվել է, Factor TV-ի հետ զրույցում ասաց ԱԻՆ մամուլի խոսնակ Հայկ Կոստանյանը։
Հիշեցնենք, որ սա այս ամսվա ընթացքում մետրոյում ռումբի առկայության մասին կեղծ ահազանգի արդեն 5-րդ դեպքն է, իսկ այս տարվա սկզբից մինչ օրս ռումբի մասին 30-ից ավելի կեղծ ահազանգ է ստացվել։
Երևանի մետրոպոլիտենից տեղեկացնում են, որ այսօր՝ օգոստոսի 17-ին՝ ժամը 10:25-ին, մետրոպոլիտենում տեղի ունեցած տեխնիկական խափանման պատճառով գրանցվել է երթևեկության գրաֆիկի խախտում։ Ժամը 11:15-ին խնդիրը վերացվել է մասնագետների կողմից։
Սաթենիկ Հայրապետյան
