23.03.2026 | 23:28
«Դեմոկրատները սա պատերազմ են անվանում, մենք դա կոչում ենք ռազմական գործողություն»․ Թրամփը՝ Իրանի հետ հակամարտության մասին
Փաշինյանը և Խաչատուրյանը շնորհավորել են Բայդենին․ Ղազինյանը վայր է դնում մանդատը․ Լուրեր
Քաղաքականություն
04.07.2022 | 13:09
- ԱԺ « Հայաստան» խմբակցության պատգամավոր Արթուր Ղազինյանը տեղեկացրել է, որ վայր է դնում պատգամավորական մանդատը։ Նա նշել է, որ պատճառները քաղաքական և մարտավարական են։ Մինչ այդ, հիշեցնենք, մանդատը վայր էր դրել նաև «Պատիվ ունեմ» խմբակցության ղեկավար Արթուր Վանեցյանը։
- Արցախի նախագահ Արայիկ Հարությունյանը այցելել է Ասկերանի շրջանի Դահրավ համայնք, ծանոթացել «100 տուն Արցախում» նախագծի ընթացիկ աշխատանքներին։ Հարությունյանն այցելել է նաև վերջերս շահագործման հանձնված Հիլիսի ջրամբար, որը ոռոգելի է դարձրել ավելի քան 300 հա հողատարածք։ Հարությունյանը նաև հայտնել է, որ մեկ այլ ծրագրով Սովետարխի ոռոգման համակարգի կառուցման արդյունքում շրջանի ավելի քան 2000 հա հողատարածք ոռոգման ջուր կունենա։
- Նախագահ Վահագն Խաչատուրյանը և վարչապետ Նիկոլ Փաշինյանը շնորհավորական ուղերձներ են հղել ԱՄՆ նախագահ Ջո Բայդենին՝ Միացյալ Նահանգների ազգային տոնի՝ Անկախության օրվա առթիվ։
Այս ժամի լուրերը՝ տեսանյութում։
