17.05.2026 | 11:41
Նիկոլ Փաշինյանը շնորհավորել է Կասիմ-Ժոմարտ Տոկաևին ծննդյան տարեդարձի առիթով
G7-ը հայտարարություն է ընդունել Ուկրաինայի դեմ ՌԴ-ի սանձազերծած պատերազմի վերաբերյալ
Քաղաքականություն
27.06.2022 | 17:29
G7-ի առաջնորդները երկուշաբթի՝ հունիսի 27-ին Բեռլինում կայացած գագաթնաժողովում հայտարարություն են ընդունել Ուկրաինայի դեմ Ռուսաստանի ռազմական ագրեսիայի վերաբերյալ։
Փաստաթղթում նշվում է, որ G7-ի երկրները կշարունակեն աջակցել Ուկրաինային, նրա ինքնիշխանությանը և տարածքային ամբողջականությանը։ Նշվել է, որ Ուկրաինան ինքը պետք է որոշում կայացնի խաղաղ կարգավորման մասին՝ առանց արտաքին ճնշման։
Հայտարարությունը դատապարտում է Ռուսաստանի ագրեսիան, որն իրականացվում է Բելառուսի աջակցությամբ։
«Մենք ցնցված ենք և շարունակում ենք դատապարտել Բելառուսի աջակցությամբ Ռուսաստանի կողմից Ուկրաինայի դեմ դաժան, անհիմն, չարդարացված և անօրինական ագրեսիան: Մենք դատապարտում և չենք ճանաչում Ռուսաստանի կողմից ուժային սահմանները վերափոխելու շարունակական փորձերը», – ասվում է հայտարարության մեջ:
«Մեծ յոթնյակի» ղեկավարները նաև մտահոգություն են հայտնել Բելառուսին միջուկային հզորությամբ հրթիռներ փոխանցելու՝ Ռուսաստանի մտադրությունների առնչությամբ։
Տաթև Ֆռանգյան
