15.09.2026 | 19:30
TRIPP-ի մեծ նախագիծը սպասում է ՍԴ-ի փոքրիկ «Այո»-ին. ՏԵՍԱՆՅՈՒԹ
ԱՄՆ-ը շահագրգիռ է Հայաստանի և Ադրբեջանի միջև ուղիղ գործակցությամբ
Քաղաքականություն
07.06.2022 | 13:08
ԱՄՆ Պետքարտուղարության մամուլի խոսնակ Նեդ Փրայսը նախօրեի ճեպազրույցում անդրադաձել է նաև Հայաստանի և Ադրբեջանի միջև տեղի ունեցող գործընթացներին։ Պատասխանելով Ադրբեջանի նախագահի օգնական Հիքմեթ Հաջիևի Վաշինգտոն այցի և պետքարտուղարի Եվրոպայի ու Եվրասիայի հարցերով օգնական Քարեն Դոնֆրիդի հանդիպման մասին հարցին՝ Փրայսը նշել է, որ Հաջիևը հանդիպելու է նաև Ազգային անվտանգության հարցերով խորհրդական Ջեյք Սալիվանին։
«Պետքարտուղարի օգնական Դոնֆրիդը պարոն Հաջիևին կփոխանցի ԱՄՆ-ի շահագրգռվածությունը՝ հեշտացնելու Ադրբեջանի և Հայաստանի միջև ուղիղ ներգրավվածությունը, ներառյալ՝ մեր դերը որպես Մինսկի խմբի համանախագահ և մեր աջակցությունը ԵՄ վերջին ջանքերին՝ երկու երկրներին միավորելու համար: Սա այն է, ինչի մասին պետքարտուղար Բլինքենը հնարավորություն է ունեցել խոսելու երկու երկրների առաջնորդների հետ վերջին օրերին ու շաբաթներին։ Սա այն է, ինչ մենք ցանկանում ենք խթանել»,- ասել է Փրայսը։
Հավելենք, որ Հաջիևի հանդիպումները Քարեն Դոնֆրիդի և Ջեյք Սալիվանի հետ արդեն կայացել են։
Էմմա Չոբանյան
