08.02.2026 | 18:03
Երևանի 9 վարչական շրջաններում մի շարք փողոցների, նրբանցքների և փակուղիների անվանակոչություն կկատարվի
Նախագահն Անդրանիկ Փիլոյանին ազատեց ԱԻ նախարարի պաշտոնից
Քաղաքականություն
01.04.2022 | 20:01
ՀՀ նախագահ Վահագն Խաչատուրյանը հրամանագիր է ստորագրել ԱԻ նախարար Անդրանիկ Փիլոյանին պաշտոնից ազատելու մասին։
«Հիմք ընդունելով վարչապետի առաջարկությունը՝ համաձայն Սահմանադրության 131-րդ հոդվածի, ինչպես նաև «Կառավարության կառուցվածքի և գործունեության մասին» օրենքի 5-րդ հոդվածի 1-ին մասի՝ Անդրանիկ ՓԻԼՈՅԱՆԻՆ ազատել արտակարգ իրավիճակների նախարարի պաշտոնից»,- ասվում է հրամանագրում։
Հիշեցնենք՝ Երևան քաղաքի ընդհանուր իրավասության դատարանը որոշում է կայացրել բավարարել նախաքննական մարմնի միջնորդությունը և երկու ամսով կալանավորել Անդրանիկ Փիլոյանին։ Նա տեղափոխվել է «Երևան-Կենտրոն» ՔԿՀ։
Ըստ Հակակոռուպցիոն Կոմիտեի՝ Անդրանիկ Փիլոյանը և ԱԻ նախարարության 10-ից ավելի աշխատակիցներ մեղադրվում են խոշոր ու առանձնապես խոշոր չափերով կաշառք ստանալու, դրան օժանդակելու, պաշտոնեական դիրքը չարաշահելու, խարդախության եղանակով խոշոր չափերով հափշտակություն կատարելու, ինչպես նաև խոշոր և առանձնապես խոշոր չափերով ապօրինի վարձատրություն ստանալու, տալու և այլ չարաշահումների համար։ Կոռուպցիոն գործի շրջանակներում մեղադրանք է առաջադրվել Արտակարգ իրավիճակների նախարարության ևս 8 տարբեր պաշտոնյաների, նրանց նկատմամբ ևս որպես խափանման միջոց է ընտրվել կալանավորումը: ՀՀ ԱԻՆ աշխատակիցներից 10 անձ ունի կասկածյալի դատավարական կարգավիճակ: Նրանց նկատմամբ որպես խափանման միջոց է ընտրվել ստորագրությունը չհեռանալու մասին:
