16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
«Գյումրի» բժշկական կենտրոնի կորոնավիրուսային բաժանմունքը փակվում է
28.02.2022 | 19:46
«Գյումրի բժշկական կենտրոնի» կորոնավիրուսային բաժանմունքը, որը վերաբացվել էր երկու շաբաթ առաջ՝ փետրվարի 14-ին` պայմանավորված վիրուսի լայն տարածման հետ, շուտով կփակվի։
«Գյումրի բժշկական կենտրոնի» փոխտնօրեն, կորոնավիրուսային բաժանմունքի պատասխանատու Արմեն Խաչատրյանը Factor.am-ի հետ զրույցում ասաց․ «Մեր հիվանդանոցի կորոնավիուսային բաժանմունքը պատրաստվում են փակելու, մեզ արդեն հիվանդներ չեն ուղարկում տրիաժ կենտրոնից։ Հիվանդների թիվը հիմա մոտ 40 է, նրանցից ոմանց դուրս ենք գրելու, մյուսներին տեղափոխելու ենք այլ բուժհաստատություններ, որպեսզի 2-3 օրվա ընթացքում փակեն բաժանմունքը։
Ծանր հիվանդներ էլ կան, սակայն նրանց թիվը շատ չէ՝ 5-ն են, մնացածը միջին ծանրության են»։
Շիրակի մարզպետարանի առողջապահության և սոցիալական ապահովության վարչության պետի պարտականությունները կատարող Լեյլի Ասլանյանն էլ մեզ հետ զրույցում տեղեկացրեց, որ այսօրվա տվյալներով՝ Շիրակի մարզում կորոնավիրուսով վարակված 210 հիվանդներ են ամբուլատոր բուժում ստանում, նրանց թիվը ամեն օր նվազում է։
«Այսօր 68 հոգի լաբորատար հետազոտության է ենթարկվել, նրանցից 16-ի պատասխանն է եկել դրական։ Ցուցանիշն իջնում է»,- ասաց Լեյլի Ասլանյանը։
Արմիկ Մովսիսյան
