Հիվանդանոցների և՛ սոմատիկ, և՛ ինտենսիվ թերապիայի բաժանմունքներում հայտնված, կորոնավիրուսով՝ օմիկրոն շտամով վարակված անձանց մեջ փոքր թիվ են կազմում պատվաստվածները: Այս մասին այսօր մամուլի ասուլիսում նշեց Ինֆեկցիոն հիվանդությունների ազգային կենտրոնի գլխավոր բժիշկ Նաիրա Ստեփանյանը:
Նրա տեղեկացմամբ՝ ծայրահեղ ծանր և ծանր վիճակում են 65-ից բարձր տարիքային խմբերին պատկանող հիվանդները:
«Վերջին ալիքի ժամանակ բավականին շատ հոսպիտալացումներ եղան նաև 85-ից բարձր տարիքային խմբերում: Այս տարիքային խմբի հիվանդները ծանր են տանում հիվանդությունը:
Բացի դրանից՝ հոսպիտալացված 5 անձից 4-ը շաքարային դիաբետով պացիենտներ են»,- նշեց Ստեփանյանը՝ հորդորելով կիրառել կանխարգելիչ միջոցառումները:
Մանրամասները՝ տեսանյութում
