18.12.2025 | 23:24
ՀՀ տարածքում ավտոճանապարհները հիմնականում անցանելի են
Երևան համայնքի սեփականություն հանդիսացող արտադրական շինությունները կքանդվեն․ նախագիծն ընդունվեց. ՏԵՍԱՆՅՈՒԹ
Քաղաքականություն
08.02.2022 | 18:16
Երևան համայնքի սեփականություն հանդիսացող Թևոսյան 9 հասցեում գտնվող արտադրական շինությունները քանդվելու մասին նախագիծն ավագանու նիստում ներկայացրեց Երևանի քաղաքապետարանի աշխատակազմի անշարժ գույքի կառավարման վարչության պետ Գարեգին Խաչատրյանը:
«Ըստ որոշման նախագծի՝ նախատեսվում է քանդել Թևոսյան 9-ը հասցեում գտնվող արտադրական շինությունների մի հատվածը, քանի որ ԱԶԲ-ի աջակցությամբ իրականացվող քաղաքային կայուն զարգացման ծրագրի շրջանակներում իրականացվել է Ջրվեժի ավտոբուսային հավաքակայանի վերակառուցման ծրագիրը»,- նշեց Խաչատրյանը:
Երևանի քաղաքապետ Հրաչյա Սարգսյանը տեղեկացրեց, որ քանդման ենթակա շենքը գտնվում է 4-րդ կարգի վթարային վիճակում. «Այդ տարածքը պետք է քանդենք, որպեսզի նոր ձեռք բերվող ավտոբուսների համար ունենանք պատշաճ կայանատեղի»:
Մանրամասները՝ տեսանյութում:
