Տնտեսություն
03.02.2022 | 12:44«Վերջին ամիսներին եվրոպական երկրների ընկերությունների հստակ երևացող միգրացիա կա, որոնք իրենց գործարանները տեղափոխում են Չինաստանից դեպի ավելի մոտ ռեգիոններ, այդ թվում՝ նաև Հայաստան: Կառավարության նիստից հետո լրագրողների հետ զրույցում հայտնեց ՀՀ էկոնոմիկայի նախարար Վահան Քերոբյանը:
«Օրինակ, Չարենցավանում հիմա իտալական խոշոր՝ «Լաբոտեկա» ընկերության կողմից տեքստիլ արտադարամաս է հիմնվել:
«Լաբոտեկա» ընկերությունը հյուրանոցային տեքստիլի ամենախոշոր և լյուքս կատեգորիայի ապրանքի մատակարարներից է, որն այժմ Չարենցավանում կարում է հյուրանոցային խալաթներ, սրբիչներ, չստեր և այլն: Խնդիրը կայանում է նրանում, որ հիմա ԵՄ-ում ներդրվել է մաքսային վճարի մի տեսակ և Չինաստանից ներմուծված ապրանքի վրա կա հավելյալ հարկ:
Հաշվի առնելով նաև այն, որ Չինաստանից նաև առաքման տրանսպորտային ծախսն է բարձր, ուստի Չինաստանում արդեն արտադրելը դարձել է ոչ այդքան գրավիչ, որքան նախկինում, հետևաբար, այդ արդյունաբերական միգրանցիան կա, և հիմա մենք հաճախ ենք հանդիպում գործարարների, որոնք քննարկում են իրենց արտադրությունները Չինաստանից Հայաստան տեղափոխելու հարցը»,- նշեց նախարարը:
Մանրամասները՝ տեսանյութում:
