21.02.2026 | 11:55
Երևանում փոշու պարունակությունը գերազանցել է սահմանային թույլատրելի կոնցենտրացիան 3 վարչական շրջաններում
Թմրանյութի 82 փաթեթ մեքենայից, ևս 8 փաթեթ՝ ճանապարհի տարբեր հատվածներից. Մաշտոցի ոստիկանների բացահայտումը
Հասարակություն
01.02.2022 | 17:53
Հունվարի 27-ին ոստիկանության Մաշտոցի բաժնի համայնքային ոստիկանները Հալաբյան փողոցից Հրազդանի կիրճ տանող ճանապարհից կասկածանքով բերման են ենթարկել 27 և 22 տարեկան եղբայրների՝ իրենց վարած «Կիա» մակնիշի մեքենայով: Բաժնում ավագ եղբայրը մեքենայից ներկայացրել է 82 փաթեթ՝ ընդհանուր 172 գրամ դեղնականաչավուն զանգվածով: Նա հայտնել է, որ հայտնաբերված թմրանյութն իրենն է՝ իր օգտագործման համար․ տեղեկացնում են ՀՀ ոստիկանությունից։
Նշանակվել է դատաքիմիական փորձաքննություն, բայց առանց քննության էլ պարզ էր, որ 82 փաթեթը մեկ հոգու օգտագործման համար չի լինում:
Աչքի տակ ունենալով համացանցի միջոցով թմրանյութերի վաճառքի տարբերակը՝ Մաշտոցի համայնքային ոստիկանները ձեռնարկեցին նոր միջոցառումներ: Պարզվեց, որ ավագ եղբայրը շոկո տեսակի թմրամիջոցի փաթեթներ է տեղադրել քաղաքի տարբեր հատվածներում: Նրա մատնանշած վայրերում՝ Արտաշատի խճուղուց Մասիս տանող ճանապարհին, ոստիկանները հայտնաբերել են 8 փաթեթ՝ ընդհանուր 34 գրամից ավելի քաշով:
Դեպքի հանգամանքները քննությամբ պարզվում են:
