29.07.2026 | 15:19
Ռուսական կողմն 80 անօդաչուներով հարձակվել է Ուկրաինայի վրա․ Խերսոնում զոհ կա
Արմեն Սարգսյանի հրաժարականն ընդունված է․ նախագահի լիազորություններն անցել են Ալեն Սիմոնյանին
Քաղաքականություն
01.02.2022 | 10:24
Ալեն Սիմոնյանը ստանձնել է հանրապետության նախագահի լիազորությունները․ այս մասին տեղեկացնում է ՀՀ ԱԺ նախագահի խոսնակը։
«Հիմք ընդունելով Հանրապետության նախագահի հրաժարականի մասին դիմումը և առաջնորդվելով Հայաստանի Հանրապետության Սահմանադրության 142-րդ հոդվածի և «Ազգային ժողովի կանոնակարգ» սահմանադրական օրենքի 147-րդ հոդվածի 1-ին մասի և 2-րդ մասի 2-րդ կետի պահանջներով՝ դադարած համարել Հանրապետության նախագահ Արմեն Սարգսյանի՝ նախագահի լիազորությունները»,- ասված է ՀՀ ԱԺ նախագահի արձանագրությունում։
Նշենք՝ ՀՀ Սահմանադրության համաձայն՝ հանրապետության նախագահի պաշտոնանկության, լիազորությունների կատարման անհնարինության, հրաժարականի կամ մահվան դեպքերում նախագահի պաշտոնը թափուր մնալուց ոչ շուտ, քան 25, և ոչ ուշ, քան 35 օր հետո անցկացվում է նախագահի արտահերթ ընտրություն: Այս դեպքում՝ ըստ ամենայնի, ընտրությունը տեղի կունենա փետրվարի 25-ից սկսած՝ 10 օրվա ընթացքում։ Նախագահ կարող է ընտրվել 40 տարին լրացած, վերջին 6 տարում միայն Հայաստանի Հանրապետության քաղաքացի հանդիսացող, վերջին 6 տարում Հայաստանի Հանրապետությունում մշտապես բնակվող, ընտրական իրավունք ունեցող և հայերենին տիրապետող յուրաքանչյուր ոք: Նույն անձը երկրի նախագահ կարող է ընտրվել միայն մեկ անգամ:
