18.12.2025 | 23:24
ՀՀ տարածքում ավտոճանապարհները հիմնականում անցանելի են
Ալիևի հայտարարությունների մեջ կուտակված վրեժի էլեմենտ կա, էմոցիան օգտակար չէ․ Նիկոլ Փաշինյան. ՏԵՍԱՆՅՈւԹ
Քաղաքականություն
24.01.2022 | 20:45
«Ես վերջին շրջանում Ադրբեջանից հնչող հայտարարությունները ընկալելիս մենք որոշ նրբություններ նկատենք, որն իմ կարծիքով մեր իրականության մեջ չի նկատվում»,- այս մասին այսօր մամուլի ասուլիսում նշեց ՀՀ վարչապետ Նիկոլ Փաշինյանը՝ անդրադառնալով նրան, որ 10 օր առաջ Ալիևը հերթական անգամ սպառնացել էր Հայաստանին: Ալիևը մասնավորապես հայտարարել էր. «Մենք երրորդ պատերազմ չենք ուզում, այդպիսի պլաններ չունենք, մենք ուզում ենք, որ Հայաստանը վերջապես ճանաչի Ադրբեջանի տարածքային ամբողջականությաւնը, բայց եթե տեսնենք, որ սպառնալիք կա մեզ համար, այդ սպառնալիքը տեղում կոչընչացվի»:
Արդյո՞ք պաշտոնական Երևանը մտադիր է ճանաչել Ադրբեջանի տրածքային ամբողջականությունը և նման ագրեսիվ հռետորաբանության դեպքում հնարավոր է տարածաշրջանում հասնել խաղաղության հաստատման: Այս հարցին ի պատասխան Նիկոլ Փաշինյանը նշեց. «Այդ հայտարարությունների մեջ պետք է տարբերակենք ռացիոնալ և էմոցիոնալ կողմերը: Վերջերս մեր մի քննարկման ժամանակ շատ կարևոր դիտարկում հնչեցրեց մի վերլուծաբան. ուշադրություն հրավիրեց փաստին, որ Ադրբեջանից հաճախ հայելային են այն հայտարարություններին, որոնք Հայաստանում հնչել են 1994-ից հետո:
Օրինակ՝ երբ Ադրբեջանից հնչում է հայտարարություն, որ Ղարաբաղի հարցը լուծված է, այդ վերլուծաբանը ուշադրություն հրավիրեց, որ 1994-ից հետո տասնյակ տարիներ Արցախից ու Հայաստանի հնչել են հայտարարություններ, որ Ղարաբաղի հարցը լուծված է:
Հաճախ հնչում են հայտարարություններ Երևանը ադրբեջանական քաղաք լինելու մասին: Այդ վերլուծաբանը նկատեց, որ 1994-ից հետո շատ հայտարարություններ են հնչել, որ Բաքուն հայկական քաղաք է:
Նկատի ունեմ, որ այդ հայտարարությունների մեջ կուտակված վրեժի էլեմենտ կա, ինչը հույս ունեմ՝ էմոցիոնալ հանգամանք է: Դա օգտակար չէ պրոցեսների համար»:
Մանրամասները՝ տեսանյութում:
