Փաշինյանն աջակցո՞ւմ է բռնապետությանը. հեղափոխական վարչապետը զորքով լռեցնում է ղազախ ցուցարարներին. ՏԵՍԱՆՅՈւԹ

Այսօր տեղի ունեցած ՀԱՊԿ անվտանգության խորհրդի առցանց նիստում անդամ պետությունների ղեկավարներն փորձել են հիմնավորել, թե ինչու են շուրջ հինգ հազար թվակազմով զորախումբ ուղարկել Ղազախստան: Հայաստանից 100 զինծառայող է մեկնել, որոնց թվում նաև կանայք են:

Հիշեցնենք՝ 2022 թվականը Ղազախստանում մեկնարկեց արյունալի իրադարձություններով: Հեղուկ գազի թանկացման կառավարության որոշումը փողոց հանեց հազարավոր ղազախների: Բողոքի ակցիաներն արագորեն վերածվեցին բախումների։ Մինչ այս պահը հաղորդվել է 160-ից ավելի զոհերի, հարյուրավոր վիրավորների և շուրջ ութ հազար ձերբակալվածների մասին: Սոցիալական անարդարության ֆոնին սկսված շարժման մասնակիցները Ղազախստանի բարձրագույն իշխանությունների կողմից որակվեցին ահաբեկիչներ: Ղազախստանի նախագահ Կասիմ-Ժոմարտ Տոկաևը սոցալական ցանցի իր էջում գրեց երկրում առկա 20 հազար ահաբեկիչների մասին: Նա հենց այս հիմքով օգնություն խնդրեց ՀԱՊԿ-ից:

Այսօր տեղի ունեցած ՀԱՊԿ անվտանգության խորհրդի առցանց նիստում անդամ պետությունների ղեկավարներն փորձել են հիմնավորել, թե ինչու են շուրջ հինգ հազար թվակազմով զորախումբ ուղարկել Ղազախստան: Հայաստանից 100 զինծառայող է մեկնել, որոնց թվում նաև կանայք են:

Հիշեցնենք՝ 2022 թվականը Ղազախստանում մեկնարկեց արյունալի իրադարձություններով: Հեղուկ գազի թանկացման կառավարության որոշումը փողոց հանեց հազարավոր ղազախների: Բողոքի ակցիաներն արագորեն վերածվեցին բախումների։ Մինչ այս պահը հաղորդվել է 160-ից ավելի զոհերի, հարյուրավոր վիրավորների և շուրջ ութ հազար ձերբակալվածների մասին: Սոցիալական անարդարության ֆոնին սկսված շարժման մասնակիցները Ղազախստանի բարձրագույն իշխանությունների կողմից որակվեցին ահաբեկիչներ: Ղազախստանի նախագահ Կասիմ-Ժոմարտ Տոկաևը սոցալական ցանցի իր էջում գրեց երկրում առկա 20 հազար ահաբեկիչների մասին: Նա հենց այս հիմքով օգնություն խնդրեց ՀԱՊԿ-ից:

Կառույցի անհապաղ արձագանքն ու օգնությունը չուշացավ: Միջազգային հեղինակավոր իրավապաշտպան կառույցների զեկույցներում տասնամյակներ շարունակ բռնապետական կառավարմամբ երկիր համարվող Ղազախստանի իշխանությունների այս քայլը՝ սեփական ժողովրդին օտար պետությունների զինծառայողների միջոցով ճնշելը, Արևմուտքի կողմից գնահատվեց որպես աննախադեպ էժանագին: Վաշինգտոնն ու Բրյուսելը Տոկաևից պատասխաններ են պահանջում, թե ինչու անհնազանդության բողոքի ակցիան անդառնալի հետևանքները կանխելու համար դիմեց ՀԱՊԿ-ին, այլ ոչ թե սեփական անվտանգային մարմիններին:

Այդուհնադերձ, շատերի համար տարակուսելին Հայաստանում 2018-ին ժողովրդի աջակցությամբ հեղափոխություն իրականացրած Նիկոլ Փաշինյանի գործողություններն ու որոշումներն են: Չնայած այն հանգամանքին, որ Տոկաևը հեռացրել է 20 հազար ահաբեկիչների մասին իր իսկ գրառումը, այսօր ՀԱՊԿ Հավաքական անվտանգության խորհրդի նիստը նախագահելիս Փաշինյանը կրկին մտահոգություն հայտնեց Ղազախստանում առկա ահաբեկիչների առնչությամբ:

Հայաստանում իրավապաշտպան կազմակերպությունները խիստ մտահոգիչ են գնահատում Նիկոլ Փաշինյանի վերջին օրերին կատարած քայլերը: ՀՔԱՎ գրասենյակի ղեկավար Արթուր Սաքունցն ահազանգում է ժողովրդավարության հետքայլերի մասին:

Նիկոլ Փաշինյանը ոչ միայն ՀԱՊԿ, այլ նաև Հայաստանի զինված ուժերին Ղազախստան ուղարկելով աջակցում է բռնապետությանը: Նման կարծիք հայտնում է հանրային քաղաքական գործիչ Գարեգին Միսկարյանը:

Նիկոլ Փաշինյանի այս քայլն, ըստ «Հոդված 3» ՀԿ նախագահ Գայանե Աբրահամյանի, մեծ վնաս է հասցնելու Հայաստանի ժողովրդավարությանը: Բացի այդ, այն կարող է լարվածություն առաջացնել Հայաստանի և ժողովրդավար պետությունների միջև:

Մանրամասները՝ տեսանյութում։

Նարեկ Կիրակոսյան