08.08.2026 | 16:59
Վանաձորում, Հրազդանում և Արարատում փոշու պարունակությունը գերազանցել է թույլատրելի սահմանը
750 կմ ճանապարհ է ասֆալտապատվել այս տարի. Գնել Սանոսյան․ ՏԵՍԱՆՅՈՒԹ
Տնտեսություն
30.12.2021 | 12:02
Մեզ համար բավական բարդ տարի էր։ Իրականացվել են մի շարք չնախատեսված աշխատանքներ, այդ թվում կառուցվել են մի շարք ճանապարհներ։ Կառավարության այս տարվա վերջին նիստի ժամանակ ասաց ՀՀ տարածքային կառավարման և ենթակառուցվածքների նախարար Գնել Սանոսյանը։
Նախարարը նշեց, որ 2021-ին 572 կմ ճանապարհ է կառուցվել, ինչը բավական լավ ցուցանիշ է։
«Եթե միավորենք նաև սուբվենցիոն ծրագրերով իրականացված աշխատանքները, ապա ստացվում է՝ 2021-ին Հայաստանում կառուցվել է 750 կմ ճանապարհ։ Պետության կողմից նախանշվող ծրագրերը բերում են նրան, որ մեր շինարարական ընկերությունները բավական լավ սկսում են իրենց հզորությունները, կարողությունները մեծացնել։ Տաթև-Լծան ճանապարհն ընդհանուր 20 կմ երկարություն ունի, որից 13 կմ-ի հողային աշխատանքներն արդեն արված են։ Նորանկախ Հայաստանի պատմության մեջ սա ամենամեծ ճանապարհաշինարարական ծրագիրն է։ Մենք 20 կմ ամբողջովին նոր, լեռնային բարդ պայմաններում ճանապարհ ենք կառուցում»,-ասաց նախարարը։
Վերջինս հավելեց, որ ճանապարհաշինարարներն առնվազն 4 ամիս հանգստի են գնում, սակայն հիմա 7-8 վայր կա, որտեղ որևէ օր աշխատանքները չեն դադարի։ Այդ վայրերը հիմնականում Սյունիքում են։
«Ամեն ինչ կանենք, որ այդ վայրերում մարտ-ապրիլ ամիսներին հողային աշխատանքներն ավարտած լինենք ու սկսենք ասֆալտապատմանը պատրաստելու գործընթացը»,-ասաց Գնել Սանոսյանը։
Նախարարի խոսքով ՊՆ-ի պատվերով մոտ 92 կմ ճանապարհ է կառուցվել, որոնք նախատեսված չեն եղել։
Մանրամասները՝ տեսանյութում:
