17.12.2025 | 20:23
Նազիկ Ավդալյան․ Քաղաքականությամբ զբաղվելու նպատակ չունեմ
Ալեն Սիմոնյանի հրաժարականը պահանջելու հիմնավորումները. ներկայացնում է Արծվիկ Մինասյանը․ ՏԵՍԱՆՅՈՒԹ
Քաղաքականություն
13.12.2021 | 11:38
«Զարմանալի է, որ ԱԺ նախագահ Ալեն Սիմոնյանի հրաժարականը պահանջելը ցավոտ կերպով ընդունվեց»,- լրագրողների հետ հանդիպմանն ասաց Ազգային ժողովի «Հայաստան» խմբակցության քարտուղար Արծվիկ Մինասյանը:
Ընդդիմադիր պատգամավորի դիտարկմամբ՝ Ալեն Սիմոնյանը միջազգային հարթության մեջ կատարում է հայտարարություններ, որոնք ռիսկեր են բերում ՀՀ արտաքին քաղաքականության համար։
«Նա կատարում է հայտարարություններ՝ կապված գերիների վերաբերյալ, որոնց, նախևառաջ, պետության պարտականությունն է հայրենիք վերադարձնել, մինչդեռ, դա ոչ միայն հոգեկան ցավ ու տառապանք պատճառող, այլ նաև Հայաստանի պաշտպանությունը թուլացնող հայտարարություն է ու չի բացառվում, որ սա կազմակերպված բնույթ է կրում բարձր ղեկավարության կողմից։ Նման հայտարարությունը մեր երկիրը, մեր պետականությունը թուլացնելուն ուղղված գործողություն է», – նշեց Արծվիկ Մինասյանը։
Մինասյանի խոսքով՝ Ազգային ժողովում տեղի ունեցած վերջին ծեծկռտուքը ցույց տվեց, որ ԱԺ նախագահ Ալեն Սիմոնյանը չի կարևորում կարգուկանոնը, չի կարևորում քաղաքական ճիշտ մշակույթը, չի փայլում պատգամավորական վարքի կանոններով»:
Անդրադառնալով հարցին, թե ով է լինելու Ազգային ժողովի նախագահի պաշտոնում ընդդիմության թեկնածուն, Մինասյանը պատասխանեց, որ թեկնածուն լինելու է ընդդիմադիր երկու խմբակցություններից մեկից. «Հարցը քննարկվել է «Պատիվ ունեմ» խմբակցության հետ , ես կարծում եմ՝ առաջիկայում «Պատիվ ունեմ»-ը հայտարարությամբ հանդես կգա»:
Մանրամասները՝ տեսանյութում:
