Քաղաքականություն
08.12.2021 | 17:29«Հայաստան» խմբակցության պատգամավոր Արեգնազ Մանուկյանը ԱԺ-Կառավարություն հարցուպատասխանի ժամանակ հայտարարեց, որ Արագածոտնի մարզպետը ապօրինի է նշանակվել պաշտոնում։ Պատգամավորը պնդեց, որ Ռազմիկ Պետրոսյանը դիպլոմ է ստացել 2002 թվականին այն համալսարանից, որը չի եղել հավատարմագրված և դիպլոմն անցողիկ չի եղել։
Արդյո՞ք կառավարությունը Ռազմիկ Պետրոսյանին նշանակելուց առաջ չգիտեր, որ նրա կրթական ցենզը չի բավարարում մարզպետի պաշտոնի համար։ Մանուկյանի այս հարցին ի պատասխան ՏԿԵ նախարար Գնել Սանոսյանը նշեց, որ կառավարության աշխատակիցները ընդունել են համապատասխան փաստաթղթերը, չեն ստուգել դիպլոմի տրամադրման կարգը և հարցը իրավական տիրույթում է։
«Պարոն Պետրոսյանը բոլոր փաստաթղթերը ներկայացրել է։ Կառավարության համապատասխան վարչությունները պարտավոր չեն ստուգել որևէ բուհի լիցենզիան։ Բոլոր փաստաթղթերը ներկայացվել է, նշանակումը կատարվել է։ Եթե կան խնդիրներ, կարծում եմ իրավական տիրույթում է, կքննարկվեն, բայց կառավարությունում ոչ մեկ չի ստուգում՝ 2002 թվականին որևէ բուհի լիցենզիան ավարտվում է, թե ոչ։ Պարոն Պետրոսյանը բոլորի կողմից ճանաչված է, մեծ ներդրում ունի հայրենիքի պաշտպանության և ոչ միայն այդ ոլորտում»,- նշեց նախարարը:
Մանրամասները՝ տեսանյութում:
