19.11.2024 | 21:34
Լավրովն ԱՄՆ-ին մեղադրել է Բրյանսկի շրջանում ATACMS-ով հարվածներին մասնակցելու մեջ
Սեպտեմբերի 25-ին ԳՇ պետից ցուցում է եղել զորքերը բերել բարձր աստիճանի, բայց հարց կա՝ ի՞նչ աստիճանի․ ՏԵՍԱՆՅՈՒԹ
Տեսանյութեր
12.11.2021 | 18:24
ԱԺ պաշտպանության և անվտանգային հարցերի հանձնաժողովի փորձագետ Արծրուն Հովհաննիսյանը Factor.am-ի հետ զրույցում անդրադառնալով հարցին, թե երբ է պաշտպանության նախարարությունը տեղեկացել, որ պատերազմ է սպասվում, և արդյո՞ք դրանից հետո անհրաժեշտ քայլեր են իրականացվել՝ զորքին համապատասխան վիճակի բերելու համար, նշեց. «Օգոստոսից սկսած՝ անհանգստություն ունեինք պատերազմ սկսվելու կապակցությամբ: Անձամբ ի պաշտոնե չեմ մասնակցել, բայց գիտեմ, որ պաշտպանության նախարարը, գլխավոր շտաբի պետը բազմիցս եղել են խորհրդակցություններում, քննարկումներում և պատերազմի հավանականության մասին խոսել են:
Սեպտեմբերի 25-ին ԳՇ պետից ցուցում է եղել զորքերը բերել բարձր աստիճանի, բայց հարց կա՝ ի՞նչ աստիճանի: Ես՝ ինքս, այդ թուղթը չեմ տեսել: Սեպտեմբերի 26-27-ի գիշերը ես եղել եմ զորքերում, տեսել եմ, որ զորքերը բերված են ինչ-որ աստիճանի, բայց այդ աստիճանը լիովին համապատասխանել է իրավիճակին, թե ոչ, դա քննությունը պետք է պարզի:
Հարցեր կան, ըստ իս, զորքերը, մանավանդ պաշտպանության բանակի հատվածում, պետք է անցնեին լիարժեք պաշտպանության, բայց արդյո՞ք անցել են լիարժեք պաշտպանության, թե՞ ընդամենը ուժեղացվել են, սրանք հարցերեն, որոնց պատասխանները պետք է քննությունը պարզի: Բայց այն, որ գլխավոր շտաբի պետի ցուցում է եղել, դա փաստ է»:
Մանրամասները՝ տեսանյութում:
