19.12.2025 | 18:11
Երեք ռուս սահմանապահներ հատել են Էստոնիայի սահմանը և 20 րոպե մնացել երկրում
Ռուսական բիզնես պատվիրակություն կմեկնի Ադրբեջան․ դրա կազմում 32 ընկերությունների ղեկավարներ կլինեն
Քաղաքականություն
11.11.2021 | 20:50
Ռուսական ընկերությունների պատվիրակությունը հաջորդ շաբաթ կմեկնի Ադրբեջան։ Այս մասին հայտնել է Ադրբեջանում ՌԴ Առևտրային ներկայացուցչությունը, փոխանցում է «Ինտերֆաքս»-ի ադրբեջանական ծառայությունը։
«Բաքվում ընթանում են քաղաքային ենթակառուցվածքների զարգացման ոլորտում աշխատող ռուսական ընկերությունների պատվիրակության՝ Ադրբեջան այցի նախապատրաստական աշխատանքները։ Միջոցառումը, որը կազմակերպվում է Ռուսական արտահանման կենտրոնի ու ՌԴ Արդյունաբերության և առևտրի նախարարության կողմից, տեղի կունենա նոյեմբերի 17-18-ը»,- ասվում է հաղորդագրության մեջ։
Նշվում է, որ պատվիրակության կազմում կլինեն Ռուսաստանից 32 ընկերությունների ղեկավարներ, որոնք հետաքրքրված են դուրս գալ Ադրբեջանի շուկա՝ տրանսպորտի, նախագծման, «Թվային քաղաքի» ձևաչափում բնակավայրերի կառուցման, էներգետիկայի և կայուն զարգացման, երկաթուղային ու ավտոմոբիլային տեխնիկայի մատակարարման, ժամանակակից թվային լուծումների ոլորտներում։
Այցի շրջանակում նախատեսվում են հանդիպումներ Ադրբեջանի պոտենցիալ գործընկերների հետ։
Էմմա Չոբանյան
