19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Գնաճով շատ անհանգստացած ենք. Վահան Քերոբյան. ՏԵՍԱՆՅՈՒԹ
Տնտեսություն
21.10.2021 | 12:28
Ընդհանուր գնաճը 8,9 տոկոս է, բայց սննդամթերքի գնաճը ավելի բարձր է: Մենք, իհարկե, շատ անհանգստացած ենք: Այս մասին այսօր լրագրողների հետ զրույցում նշեց ՀՀ էկոնոմիկայի նախարար Վահան Քերոբյանը:
«Մեր աշխատանքի արդյունքը պետք է լինի մարդկանց ավելի լավ ապրելը, իսկ գնաճը, կարելի է ասել, խժռում է մեր արած աշխատանքի մեծ մասը, դրա դեմ պետք է պայքարենք: Այսինքն՝ պետք է փորձենք զսպել գնաճը այն գործիքներով, որոնք ունենք մեր տնօրինման տակ:
Իհարկե Կենտրոնական բանը ևս իր գործիքակազմը կիրառում է, բայց երբեմն այդ գործիքակազմը սկսում է վնասել մեր տնտեսության շատ կարևոր ճյուղերին, օրինակ՝ արտահանմանը:
Գիտեք, որ արտարժույթի փոխարժեքը հիմա վերջին տարիների ամենացածր կետի վրա է, և դա շատ է մեզ անհանգստացնում, ինչպես նաև մեր արտահանողներին: ԿԲ-ի հետ համագործակցությամբ գնաճի դեմ պայքարում ակնկալում ենք, որ ԿԲ-ն չի թողնի տնտեսության կարևոր ճյուղերը վտանգվեն:
Մենք անընդհատ կոնսուլտացիաների մեջ ենք մեր գործընկեր երկրների հետ, ինչպես ԵԱՏՄ անդամ, այնպես էլ այլ երկրների՝ օրինակ Ուկրաինայի, հարավամերիկյան երկրների հետ, որպեսզի մեր տնտեսվարողներին ապահովեն ցածր կամ նորմալ գներով ապրանքներով և հումքերով, որը թույլ կտա մեղմել գնաճը»:
Մանրամասները՝ տեսանյութում:
