02.11.2024 | 15:28
ԱԺ հանձնաժողովի անդամները մասնակցել են ԵՄ խորհրդարանների ԵՄ հարցերով հանձնաժողովների համաժողովին
Երևանի կենտրոնում հիփոթեքային վարկով գնված բնակարանի եկամտահարկի վերադարձը կհանվի․ նախագիծ․ ՏԵՍԱՆՅՈւԹ
Տնտեսություն
12.08.2021 | 12:08
Կփոխվի հիփոթեքային վարկի սպասարկման համար վճարված տոկոսագումարների չափով եկամտահարկի վերադարձի ուղղվածությունը և դրան կհաղորդվի տարածքային համաչափ զարգացման և սոցիալական նշանակություն: Կառավարության այսօրվա նիստում այս մասին հայտնեց Ֆինանսների նախարար Տիգրան Խաչատրյանը՝ ներկայացնելով Հարկային օրենսգրքում փոփոխություն կատարելու մասին օրինագիծը:
«Առաջարկվում է աստիճանաբար սահմանափակել արտոնության գործողությունը Երևանի կենտրոնում և դրան հարող հատվածում։ Մասնավորապես առաջարկվում է սահմանել, որ 2022 թվականի հուլիսի 1-ից արտոնությունը կսահմանափակվի Երևանի առաջին գոտու նոր շենքերում բնակարանների ձեռքբերման վարկերի տոկոսների նկատմամբ, 2023 թվականի հունվարի 1-ից՝ Երևանի երկրորդ գոտում, 2023 թվականի հուլիսի 1-ից՝ Երևան երրորդ գոտում, 2025 թվականի հունվարի 1-ից Երևանի մնացած գոտիներում»,- նշեց նախարարը։
Նախագծով առաջարկվում է նաև սահմանել, որ առաջարկվող սահմանափակումները կիրառվելու են 2022 թվականի հունվարի 1-ից հետո կայացված որոշումներով ստացված շինարարական թույլտվությունների հիման վրա կառուցվող անհատական բնակելի տների և բազմաբնակարան բնակելի շենքերի բնակարանների մասով։
Մանրամասները՝ տեսանյութում:
