08.05.2025 | 14:54
Բաքվից հայտնել են Ալիևի՝ Մոսկվա այցի չեղարկման պատճառները
Սահմանադրական դատարանը ահավոր որոշում է կայացրել. Սեդա Սաֆարյան. ՏԵՍԱՆՅՈՒԹ
Հասարակություն
31.03.2021 | 13:49
ՍԴ-ն դեռևս 2019թ․-ից ձեռնամուխ էր այս որոշման հրապարակման համար բոլոր հիմքերը ստեղծելուն։ Որպես փորձագետներ՝ որոշում կայացնողներն օբյեկտիվ չեն եղել և շատ ահավոր որոշում են կայացրել, որով սրի մի ծայրով որոշել են Ռոբերտ Քոչարյանին փրկել, իսկ մյուսով ասել են, որ Ռոբերտ Քոչարյանը որպես նախագահ չէր կարող սահմանադրական նորմերի որոշակիությունն ընկալել և իր գործողություններով չվտանգել հանրության անվտանգությունը»,- այս մասին հայտարարեց «Մարտի 1»-ի գործով տուժողների իրավահաջորդների ներկայացուցիչ, փաստաբան Սեդա Սաֆարյանը։
Նրա կարծիքով՝ այն նորմերը, որոնցով նախատեսված է հոդվածը, այնքան անորոշ չեն, որպեսզի Քոչարյանը չհասկանար իր գործողությունները։ «Քրեական գործով Քոչարյանին վերագրված արարքները հանցագործության այլ հատկանիշներ են պարունակում։ Կոնկրետ՝ ՀՀ-ում պետական մարմինների և պաշտոնատար անձանց բնականոն աշխատանքը խաթարվել է Ռոբերտ Քոչարյանի անմիջական ղեկավարությամբ և մասնակցությամբ, և խմբավորումները և խմբերը կազմավորվել են նրա անմիջական ղեկավարությամբ։ Այս տեսանկյունից քրեական գործի մեղադրական եզրակացությունում տեղ գտած ձևակերպումները, որոնք խոսում են նրա և նրա ընկերոջ՝ Սերժ Սարգսյանի շրջապատի՝ խմբավորումներ կազմելու և դրանք կառավարության շենքի մոտ գործի դնելու մասին, փաստում են հանցավոր համագործակցություն կազմելու մասին»։
Սաֆարյանի խոսքով՝ 300.1 հոդվածից բացի՝ պետք է մեղադրանք առաջադրվեր նաև ՔՕ 223 հոդվածով։ «Եթե անգամ 223 հոդվածի հետ կապված տարաձայնություն լինի, ապա պաշտոնատար անձի կողմից պաշտոնեական լիազորությունների անցման փաստը գոնե ակնհայտ է։ Գերագույն գլխավոր հրամանատարի մոտ առկա է ծառայողական կարգի դեմ ուղղված հանցագործության փաստ։ Հանցագործություններն այնքան շատ ու բազմադրվագ են, որ համակարծիք չեմ խոսել դրանց՝ միայն 300․1 հոդվածում ներառվելու մասին»։
Մանրամասները՝ տեսանյութում:
