24.11.2024 | 12:41
Օտարերկրյա ԶԼՄ-ներում շարունակում են զետեղվել սպառազինության ձեռքբերման մասին կեղծ հրապարակումներ․ ՊՆ
Ինչո՞ւ են մայրաքաղաքի ավտոբուսներից հանվել հաշմանդամություն ունեցողների համար նախատեսված 14 վերելակները
Հասարակություն
01.06.2017 | 11:37
Չինաստանից ներկրված թվով 249 «Հիգեր» մակնիշի ավտոբուսներից միայն 25-ի վրա են նախորդ երկու տարիների ընթացքում տեղադրվել հաշմանդամություն ունեցող անձանց սպասարկման համար նախատեսված հատուկ վերելակներ:
Այս մասին հայտնեցին Երևանի քաղաքապետարանից՝ Factor.am-ի հարցմանն ի պատասխան։
«2016-2017թթ. աննախադեպ ցուրտ ձմռան ժամանակաշրջանում նշված ավտոբուսներից 14-ի վրա տեղադրված վերելակների մոտ հայտնաբերվել են տարբեր տեխնիկական անսարքություններ: Արդյունքում վերելակները ապամոնտաժվել են նշված 14 ավտոբուսներից և ուղարկվել նորոգման՝ դրանք տեղադրած «Կամար» ՍՊ ընկերություն: Նորոգման աշխատանքների ավարտից հետո վերելակները կտեղադրվեն համապատասխան ավտոբուսների վրա և կշարունակվի դրա շահագործումը»,- ասված է գրավոր պատասխանում։
Ստացվում է՝ այս պահի դրությամբ միայն թվով 11 ավտոբուսում են տեղադրված հաշմանդամություն ունեցող անձանց տեղաշարժն ապահովելու համար վերելակներ։
Հարցման տեքստում խնդրել էինք պատասխանել հարցին, թե առաջիկայում քանի ավոտոբուսում կտեղադրվեն վերելակներ, սակայն Երևանի քաղաքապետարանից պատասխանել են, որ առաջիկա տարիներին ևս նախատեսվում է ավտոբուսների վրա տեղադրել նմանատիպ վերելակներ՝ առանց հստակեցնելու, թե որքան։
Ինչ վերաբերում է այն հարցին, թե Երևանի քաղաքապետարանը որքան գումարով է ձեռք բերում մեկ թեքահարթակ ձեռք բերելը, քաղաքապետարանից պատասխանել են․
«Մեկ միավորի ձեռք բերման և տեղադրման ընդհանուր ծախսը կազմում է մոտ չորս միլիոն ՀՀ դրամ»։
Սեդա Ղուկասյան
