17.09.2026 | 16:39
Դուք պետք է չլինեք ԿԸՀ նախագահ, վառ արտահայտում եք հավասարակշռության բացակայությունը․ Կարապետյան․ ՏԵՍԱՆՅՈՒԹ
ԱՀԿ ղեկավարը նախազգուշացրել է 2021 թ.-ին սպասվող մարտահրավերների մասին. ՌԻԱ Նովոստի
Քաղաքականություն
29.12.2020 | 10:53
ԱՀԿ ղեկավար Թեդրոս Ադհանոմ Հեբրեյեսուսը հայտարարել է, որ 2021 թվականին աշխարհը նոր մարտահրավերների հետ կբախվի, այդ թվում նաև կորոնավիրուսի հետ կապված։ Այս մասին նա հայտարարել է Ժնևում տեղի ունեցած մամուլի ասուլիսի ժամանակ։
Նրա խոսքով՝ եկող տարում նոր խնդիրներ են սպասվում, օրինակ՝ COVID-19-ի նոր տարատեսակները։ Բացի այդ, ինչպես փոխանցում է ՌԻԱ Նովոստին, Հեբրեյեսուսը մատնանշել է համաճարակից հոգնած մարդկանց օգնություն ցույց տալու անհրաժեշտությունը։
ԱՀԿ ղեկավարը նաև կոչ է արել ՄԱԿ-ի ու մյուս պետությունների հետ կիսվել համաճարակաբանական տեղեկություններով։
Հիշեցնենք՝ դեկտեմբեր ամսի կեսերին հայտնի դարձավ SARS-CoV-2-ի բրիտանական մուտացիայի մասին։ Ենթադրաբար, այս շտամը 70 տոկոսով ավելի վարակիչ է, սակայն մահացությունների կամ հոսպիտալացման ցուցանիշի վրա դրա ազդեցության մասին դեռևս բավարար տեղեկություններ չկան։
Մեծ Բրիտանիայից բացի VUI-202012/01-ի վարակման դեպքեր արդեն հայտնաբերվել են մի շարք այլ երկրներում։
Տաթև Ֆռանգյան
